ना.गिरीश महाजन यांनी घेतली डॉ.पायल तडवी यांच्या कुटुंबियांची भेटी !

मुंबई: नायर हॉस्पिटलमधील डॉ.पायल तडवीने रॅगिंगला कंटाळून आत्महत्या केली. त्यामुळे पुन्हा एकदा रॅगिंगचा मुद्दा समोर आला आहे. डॉ.पायल तडवीच्या आत्महत्येला जबाबदार असल्याप्रकरणी तीन डॉक्टरांचे निलंबन करण्यात आले आहे. दरम्यान आज वैद्यकीय शिक्षणमंत्री गिरीश महाजन यांनी डॉ.पायाल तडवी यांच्या कुटुंबियांची भेट घेत, त्यांचे सांत्वन केले. यावेळी गिरीश महाजन यांनी दोषींवर कारवाई करण्याचे आश्वासन दिले.

पायल तडवीने वरिष्ठ सहकाऱ्यांकडून होत असलेल्या त्रासाबद्दल तोंडी व लेखी तक्रार करूनही कोणतीच कारवाई करण्यात आली नाही आणि एका उमद्या डॉक्टरचा जीव गेल्याचे ‘मार्ड’चे म्हणणे आहे. पायलने २२ मे रोजी आत्महत्या केली होती. पायलच्या आत्महत्येप्रकरणी आग्रीपाडा पोलीस ठाण्यात २३ मे रोजी डॉ. हेमा आहुजा, भक्ती मेहर आणि अंकिता खंडेलवाल या तिघींविरुद्ध गुन्हा दाखल करण्यात आला आहे. आत्महत्येस प्रवृत्त करणे, रॅगिंग व अट्रॉसिटी कायद्याखाली हा गुन्हा नोंदवण्यात आला आहे. डॉक्टरांचा एक व्हॉट्सअ‍ॅप ग्रुप आहे आणि त्या ग्रुपवर या तिन्ही डॉक्टर पायलला तिच्या जातीवरून हिणवायचे, असा आरोप पायलच्या कुटुंबीयांनी केला आहे.