निमंत्रण न दिल्याने शिवसेना नगरसेविकांचा आयुक्तांना घेराव

मुंबई । पालिका आयुक्त अजोय मेहता यांनी विकास आराखड्याच्या मोबाईल अ‍ॅपचे महापौर व नगरसेवकांना निमंत्रण न देता परस्पर मुख्यमंत्री देवेंद्र फडणवीस यांच्या हस्ते 6 डिसेंबर रोजी लोकार्पण केले. याच्या निषेधार्थ शुक्रवारी शिवसेनेने पालिका सभागृहात आयुक्त हाय.. हाय..च्या घोषणा दिल्या. या वेळी स्पष्टीकरण करण्यासाठी आयुक्तांनी सभागृहात उपस्थित राहण्याची मागणी शिवसेनेने लावून धरली, पण आयुक्त सभागृहात न आल्यामुळे शिवसेनेच्या नगरसेवक राजूल पटेल, श्रध्दा जाधव, विशाखा राऊत व अन्य नगरसेवकांनी थेट आयुक्तांच्या दालनात जाऊन त्यांना घेराव घातला.

त्यामुळे आयुक्तांना सभागृहात यावे लागले. सभागृह आणि सभागृहाबाहेर बराच वेळ हा गोंधळ सुरू होता. मुंबई महापालिकेच्या चउॠच् 24 ु 7 या मोबाईल पचा तसेच आणि जपश चउॠच् ॠखड या संकेतस्थळाचा 6 डिसेंबर रोजी मुख्यमंत्री देवेंद्र फडणवीस यांच्या हस्ते प्रारंभ करण्यात आला. महापालिकेच्या ’चउॠच् 24द7’या मोबाईल ऍपमध्ये विकास नियोजन आराखड्यानुसार असणारी भूखंडावरील आरक्षणे बघण्याची सुविधा आता उपलब्ध करुन देण्यात आली आहेत. यामुळे पालिकेच्या विविध खात्यांमध्ये तसेच संबंधित यंत्रणांमध्ये समन्वय साधणे अधिक वेगवान होणार आहे.