नीरव मोदीचा अनधिकृत बंगला पाडणार

अलिबाग: पंजाब नॅशनल बँकेला १३ हजार कोटींपेक्षा जास्त रकमेचा चुना लावणारे नीरव मोदीचा यांचा अलिबाग येथील अनधिकृत बंगला पाडण्यात येणार आहे, असे आदेश पर्यावरण मंत्री रामदास कदम यांनी दिले आहेत.

एवढेच नाही अलिबागमधील एकूण १२१ अनधिकृत बंगले आणि मुरुडमध्ये १५१ अनधिकृत बंगले आहेत, असेही रामदास कदम यांनी स्पष्ट केले. पर्यावरण मंत्री रामदास कदम यांच्या अध्यक्षतेखाली आढावा बैठक पार पडली ज्यामध्ये हा निर्णय घेण्यात आला. सीआरझेडच्या तरतुदींनुसार नीरव मोदीचा बंगला पाडण्यात येणार आहे.

अलिबागमधील एकूण २०२ अनधिकृत बंगल्यांवर कारवाई करण्याचा निर्णयही मंत्रिमंडळ बैठकीत निर्णय झाला. या सर्व प्रकरणात अलिबागमध्ये ६९ आणि मुरुडमध्ये ९५ गुन्हे दाखल करण्यात आले आहेत. यामध्ये नीरव मोदीच्या बंगल्याचाही समावेश आहे. तर अनेक सेलिब्रेटींचेही बंगले या यादीत आहेत. कलम १५ अंतर्गत कारवाई केली जाणार आहे. यामद्ये १ लाख रूपये दंडापासून ५ वर्षे कैद इथपर्यंतच्या शिक्षेची तरतूद आहे.