नेहरूनगरात तरुणाची आत्महत्या

पिंपरी : नेहरुनगर येथे इमारतीच्या चौथ्या मजल्यावरुन उडी मारून एका तरुणाने आत्महत्या केली. रोहन नंदकुमार घोडके (वय 25, रा. नेहरुनगर, पिंपरी) असे त्याचे नाव आहे. तो एका खासगी कंपनीत काम करत होता. ही घटना मंगळवारी (दि.28) सायंकाळी चार वाजता घडली.

पोलिसांनी दिलेल्या माहितीनुसार, रोहन याची आई डी. वाय. पाटील रुग्णालयात नर्स म्हणून काम करतात. काल घरी कोणी नसताना रोहन याने चौथ्या मजल्यावरुन उडी मारली. त्यानंतर त्याला तातडीने रुग्णालयात दाखल करण्यात आले. मात्र, त्याचा मंगळवारी रात्री उपचारादरम्यान मृत्यू झाला. रोहनच्या आत्महत्येचे अद्याप कारण कळाले नसून पिंपरी पोलीस त्याचा अधिक तपास घेत आहेत.