पहिल्या चार तासात जळगावमध्ये 17.15 तर रावेरमध्ये 20 टक्के मतदान

जळगाव । 17 व्या लोकसभेसाठी मतदानाचा तिसरा टप्पा आज (दि.23) सुरू असून, जळगाव व रावेर मतदारसंघात सकाळपासूनच मतदारांनी मतदानासाठी रांगा लावल्या आहेत. प्रशासनाच्या माहितीनुसार, सकाळी 11 वाजेपर्यंत जळगावात 17.15 टक्के तर रावेरमध्ये 20 टक्के मतदान झाले आहे.दुपारी 12 वाजेनंतरही उन्हाची पर्वा न करता अनेक ठिकाणी मतदारांच्या रांगा कायम होत्या. जळगाव लोकसभा मतदारसंघात महायुतीचे उमेदवार उन्मेष पाटील विरूध्द महाआघाडीचे उमेदवार गुलाबराव देवकर यांच्यात लढत असून, एकूण 14 उमेदवार रिंगणात आहेत. रावेर लोकसभा मतदार संघात महायुतीच्या उमेदवार रक्षा खडसे विरूध्द महाआघाडीचे उमेदवार डॉ. उल्हास पाटील यांच्यात लढत असून, एकूण 12 उमेदवार रिंगणात आहेत.