पाचोरा शहरातील हातमजुराची आर्थिक विवंचनेतून आत्महत्या

पाचोरा : शहरातील बाहेरपुरा भागातील एका हातमजुराने आर्थिक विवंचनेतून गळफास लावून आत्महत्या केली. या प्रकरणी पाचोरा पोलिसात अकस्मात मृत्यूची नोंद करण्यात आली आहे. प्रकाश धना अंभोरे (46) असे मयताचे नाव आहे.

गळफास घेत आत्महत्या
शहरातील व्ही.पी.रोड, कामगार कल्याण केंद्राजवळील (बाहेरपुरा) रहिवाशी प्रकाश धना अंभोरे (46) हे हातमजुरी करुन आपल्या कुटुंबाचा गाळा हाकत होते. परीस्थिती हालाखीची त्यातच हाताला काम नसल्याने आर्थिक विवंचनेतून प्रकाश अंभोरे यांनी 4 जुन रोजी पहाटे 5 वाजेच्या सुमारास घराजवळील शाळेच्या छताला दोर आवळुन गळफास लावत आपली जीवनयात्रा संपवली. मयत प्रकाश अंभोरे यांना ग्रामीण रुग्णालयात दाखल केले असता मृतदेहाचे शवविच्छेदन ग्रामीण रुग्णालयाचे वैद्यकीय अधिकारी डॉ. अमित साळुंखे यांनी केले.

पाचोरा पोलिसात अकस्मात मृत्यूची नोंद
या घटनेप्रकरणी पाचोरा पोलिसात अकस्मात मृत्यूची नोंद करण्यात आली आहे. मयत प्रकाश धना अंभोरे यांचे पश्चात्य पत्नी, एक मुलगा, एक मुलगी (विवाहित), एक भाऊ असा परीवार आहे. प्रकाश अंभोरे यांचे अकस्मात निधनाने परिसरात शोककळा पसरली आहे.