पाचोर्यातील युवकाच्या खूनप्रकरणी आरोपी पिता-पूत्रांना कोठडी
पाचोर्यातील युवकाच्या खूनप्रकरणी आरोपी पिता-पूत्रांना कोठडी
पाचोरा– मालमत्तेच्या वादातून पिता-पूत्रांनी सख्ख्या पुतण्याच्या डोक्यात लोखंडी रॉड मारून त्याचा खून केल्याची घटना शहरात मंगळवारी घडली होती. या प्रकरणी संशयीत पिता-पूत्रांना पाचोरा पोलिसांनी अटक केल्यानंतर बुधवारी न्यायालयात हजर केले असता त्यांना एक दिवसाची पोलीस कोठडी सुनावण्यात आली.
मालमत्तेचा वाद बेतला जीवावर
शहरातील शिवाजी नगर भागातील रहिवासी असलेल्या किशोर मोरे यांचा त्यांचे सख्खे काका सोमनाथ मोरे व त्यांचा मुलगा सिद्धेश्वर मोरे यांनी सोमवारी मारहाण केल्याने उपचार सुरू असताना मंगळवारी मृत्यू झाला. वडिलोपार्जित मालमत्ता नावावर करण्यासाठी आरोपींनी तगादा लावला होता. मंगळवारी या प्रकरणी सायंकाळी मयताची आई सुलोचना मोरे यांच्या तक्रारीनुसार पाचोरा पोलिसात संशयीत आरोपी सोमनाथ मोरे व त्यांचा मुलगा सिद्धेश्वर सोमनाथ मोरे यांच्याविरुद्ध खुनाचा गुन्हा दाखल करण्यात आला होता. आरोपींना अटक केल्यानंतर बुधवारी न्यायालयात हजर केले असता त्यांना एक दिवसाची पोलीस कोठडी सुनावण्यात आली.