पाण्याचा 35 फुटी फवारा
रायगड : उरणकरांना बुधवारी तब्बल 35 फुटी पाण्याचा फव्वरा उडालेला पाहायला मिळाला. डंपरने पाण्याच्या पाईपलाईनला जोरदार धडक दिल्याने ही घटना गडली आहे. यामुळे लाखो लिटर पाणी वाया गेले आहे. रायगडच्या उरण तालुक्यातील कंठवली गावाजवळ ही घटना घडली. पाईपलाईन फुटल्याने 30 ते 40 फुटांचा उंच कारंजा उडत आहे. मुख्य चावीलाच ही धडक बसल्याने तो प्रकार लगेच दुरूस्त होण्यासारखा नव्हता. त्यामुळे या पाईपलाईनमधून मोठ्या प्रमाणात पाण्याची नासडी झाली.
हे देखील वाचा
पाईपलाईनच्या दुरुस्तीचे काम सुरु करण्यात आले मात्र ते पूर्ण होण्यासाठी किमान 10 ते 12 तास लागण्याची शक्यता वर्तवण्यात आली आहे. परिणामी खारघरसह आसपासच्या परिसरातील पाणीपुरवठा थांबवण्यात आला आहे. 20 एप्रिल रोजी सकाळी 6 वाजता पाणीपुरवठा पूर्ववत होईल, असे सांगण्यात आले आहे.