पिंपरी-चिंचवडमध्ये भावासोबत झालेल्या वादातून तरुणाचा आत्महत्येचा प्रयत्न

पिंपरी चिंचवड-पुणे-मुंबई जुन्या महामार्गावर असणाऱ्या मधुकर पवळे उड्डाण पुलावर तरुणाने साडीने गळफास घेऊन आत्महत्येचा प्रयत्न केल्याची घटना आज सकाळी ९ वाजेच्या सुमारास समोर आली आहे. ऐनवेळी पोलीस आल्याने तरुणाला आत्महत्या करण्यापासून रोखण्यात आले. आई-वडिलांना कोण सांभाळणार यावरुन भावासोबत झालेल्या भांडणानंतर तरुणाने आत्महत्येसारखे टोकाचे पाऊल उचलले होते. निगडी पोलिसांनी त्याला ताब्यात घेतले आहे.

पवन भंडारी असे या तरुणाचे नाव असून विप्रो कंपनीत संगणक अभियंता म्हणून काम करतो. आई-वडिलांना कोण सांभाळणार यावरुन त्याचे भावासोबत भांडण झाले होते. आई- वडील खेड येथे राहत असून वडील अपंग असल्याचे सांगितले जात आहे.