पितृपंधरवड्यामुळे फळभाज्यांची मागणी वाढली

पुणे । छत्रपती शिवाजी महाराज मार्केटयार्डात रविवारी भाजीपाला विभागात राज्य अणि परराज्यातून फळभाज्यांची मोठी आवक झाली. पितृपंधरावडा चालू झाला असल्याने बाजारात फळ भाज्यांना मोठी मागणी आहे. तसेच हिरवी मिरची, ढोबळी मिरची, गाजर आणि काकडीच्या दरात घट झाली आहे. तर, आवक घटल्याने मटारचे भाव वाढले आहेत. तसेच कांद्याची आवक वाढल्याने दरात घट झाल्याची माहिती व्यापारी विलास भुजबळ यांनी दिली.

गुलटेकडी येथील मार्केटयार्ड येथे राज्याच्या विविध भागांसह परराज्यातून सुमारे 230 ते 240 ट्रक भाजीपाल्याची आवक झाली. त्यामध्ये परराज्यातून प्रामुख्याने आंध्रप्रदेश आणि तामिळनाडूमधून 5 ते 6 टेम्पो शेवगा, गुजरात आणि कर्नाटकमधून 18 ते 20 टेम्पो हिरवी मिरची, इंदौरहून 2 टेम्पो गाजर, कर्नाटकातून 2 ट्रक भूईमुग, गुजरात व कर्नाटकातून 4 ते 5 ट्रक कोबीची आवक झाली आहे. स्थानिक भागातून टॉमेटो साडे पाच ते 6 हजार पेटी, फ्लॉवर 14 ते 15 टेम्पो, कोबी 18 ते 20 टेम्पो, सिमला मिरची 15 ते 16 टेम्पो, पावटा 7 ते 8 टेम्पो, भेंडी 10 ते 12 टेम्पो, गवार 10 ते 12 टेम्पो, पुरंदर, वाई, सातारा आणि पारनेर येथून मटारची 400 ते 450 पोती, कांद्याची 150 ट्रक, आग्रा, इंदौर व गुजरात येथून बटाट्याची 100 ट्रक आवक झाली. मध्यप्रदेश आणि गुजरातमधून लसणाची 5 हजार गोणींची आवक झाली.

फळभाज्यांचे दहा किलोचे भाव :
कांदा : 120-170, बटाटा : 50-70, लसूण : 250-500, आले सातारी : 180-240, भेंडी : 200-250, गवार : गावरान व सुरती 150-300, टोमॅटो : 100-140, दोडका : 200-300, हिरवी मिरची : 100-220, दुधी भोपळा : 60-120, चवळी : 160-180, काकडी : 60-100, कारली : हिरवी 200-250, पांढरी : 140-150, पापडी : 150-160, पडवळ : 140-160, फ्लॉवर : 100-160, कोबी : 80-140, वांगी : 200-300, डिंगरी : 150-160, नवलकोल : 80-100, ढोबळी मिरची : 150-200, तोंडली : कळी 240-250, जाड : 90-100, शेवगा : 400-450, गाजर : 140-160, वालवर : 200-220, बीट : 120-160, घेवडा : 300-350, कोहळा : 100-150, आर्वी : 200-250, घोसावळे : 180-200, ढेमसे : 200-220, मटार : स्थानिक : 400-550, पावटा : 150-200, भुईमूग शेंगा : 400, तांबडा भोपळा : 80-140, सुरण : 260-280, मका कणीस : 50-100, नारळ (शेकडा) : 1000-1600.

कोथिंबीर महागली
राज्यासह जिल्ह्यात पावसाने विश्रांती घेतल्याने रविवारी बाजारात पालेभाज्यांची मोठी आवक झाली. पितृपंधरवड्यामुळे चवळई, मेथी, पालक आदी पालेभाज्यांना मोठी मागणी आहे. मागणीच्या तुलनेत आवक वाढल्याने मेथी आणि करडईच्या दरात घट तर आवक घटल्याने पालक आणि कोथिंबीरीच्या दरात वाढ झाली आहे. रविवारी मार्केटयार्डातील बाजारात कोथिंबीरची दीड लाख जुडींची तर मेथीची 1 लाख जुडींची आवक झाल्याची माहिती व्यापारी विलास भुजबळ यांनी दिली.

पालेभाज्यांचे शेकड्यातील भाव : कोथिंबीर : 500-1400, मेथी : 500-1000, शेपू : 500-700, कांदापात : 500-1000, चाकवत : 500-600, करडई : 500-600, पुदिना : 500-600, अंबाडी :800-1000, मुळे : 500-1000, राजगिरा : 400-500, चुका : 500-800, चवळई : 500-800, पालक : 1000-1500.

मोसंबी, संत्र, डाळींबाची आवक वाढली
मार्केटयार्ड येथील फळविभागामध्ये रविवारी मोसंबी, संत्रा आणि डाळींबाची मोठी आवक झाली. आवक चांगली झाली तरी फळांना मागणी ही कायम असल्याने फळांचे दर स्थिर असून सफरचंदाच्या दरात बॉक्समागे 100 रुपयांची वाढ झाली असल्याचीही माहिती व्यापार्‍यांनी दिली. तसेच फळबाजारात प्रामुख्याने अननस पाच ट्रक, मोसंबीची 90 टन, संत्र्याची 17 टन, डाळिंबाची 150 टन, पपई 25 ते 30 टेम्पो, लिंबाची 4 ते 5 हजार गोणी, चिक्कू 2 हजार बॉक्स, पेरुची 500 ट्रे, कलिंगडाची 20 ते 25 टेम्पो आणि खरबुजाची 10 ते 12 टेम्पो, सफरचंद 5 ते 6 हजार डाग तर सिताफळाची 7 ते 8 टन आवक झाली असल्याचे व्यापार्‍यांनी सांगितले.

फळांचे दर पुढीलप्रमाणे :
लिंबे (प्रति गोणी) : 200-500, अननस (डझन) : 70-280, मोसंबी : (3 डझन) : 140-230, (4 डझन ) : 60-110, संत्रा : (3 डझन) 130-250, (4 डझन) : 70-120, डाळिंब (प्रति किलोस) : भगवा : 30-80, गणेश 10-30, आरक्ता 30-40. कलिंगड : 5-12, खरबुज ः 10-25, पपई : 5-20, चिक्कू : 100-400, पेरू (20 किलो) : 500-600, सीताफळ : 30-150. सफरचंद : सिमला (20 ते 25 किलो) : 1400-2500, काश्मीर डेलीशियस (15 किलो) 1000-1300, किन्नोर : (25 किलो) 1900-2600.

फुलांच्या दरात घट
फुलबाजारात सर्व प्रकारच्या फुलांची मोठी आवक झाली. परंतु पितृपंधरवड्यामुळे फुलांच्या दरात 50 टक्क्यांनी घट झाल्याची माहिती व्यापारी सागर भोसले यांनी दिली. फुलांना मागणी नसल्याने सध्या फुलांचे दर घसरले आहेत. आगामी 15 दिवस हिच स्थिती कायम राहील, असा अंदाजही त्यांनी वर्तविला.

फुलांचे प्रति किलोचे दर पुढीलप्रमाणे : झेंडू : 5-15, गुलछडी ः 10-30, बिजली : 10-30, कापरी : 5-20, शेवंती : 30-60, ऑस्टर : 6-12, गुलाबगड्डी (गड्डीचे भाव) : 5-10, गुलछडी काडी : 5-10, डच गुलाब (20 नग) : 20-40, लिलि बंडल : 2-3, जर्बेरा : 5-15, कार्नेशियन : 40-60, जुई : 100-200.

मासळीच्या दरात तेजी
गेल्या आठवड्याच्या तुलनेत आवक दुप्पटीने वाढ झाली आहे. मात्र ग्राहकांकडून मागणी ही चांगली होत असल्याने मासळीच्या दरात तेजी आहे. तसेच चिकनचे दर ही काही प्रमाणात वाढले असून प्रतिकिलोमागे 10 रुपये वाढले आहेत. इंग्लिश अंड्याच्या दरात ही वाढ झाली असून शेकड्यामागे 21 रुपयांनी वाढ झाली आहे. देशाच्या पुर्व व पश्चिम किनापट्टीवरून येथील बाजारात मासळीची मोठी आवक वाढली आहे.
रविवारी गणेश पेठेतील घाऊक बाजारात खोल समुद्रातील मासळीची सुमारे 12 ते 14 टन, खाडीच्या मासळीची सुमारे 500 ते 600 किलो आणि नदीतील मासळीची सुमारे 500 ते 600 किलो इतकी आवक झाली. तर आंध्रप्रदेशातील रहु, कतला, सीलन या मासळींची सुमारे 10 ते 12 टन आवक झाली असल्याचे त्यांनी सांगितले.

मासळीचे दर पुढीलप्रमाणे (प्रतिकिलो) :
पापलेट : कापरी : 1400, मोठे :1400, मध्यम : 700-800, लहान : 550, भिला : 400, हलवा ः 440-480, सुरमई : 400-440, रावस लहान : 500, मोठा : 650, घोळ : 440-480, करली :240-280, करंदी (सोललेली) : 280, भिंग : 280, पाला : 480-1400, वाम ः 280-400, ओले बोंबील : 80-120, कोळंबी : लहान : 180-240, मोठी : 480-550, जंबोप्रॉन्स : 1400, किंगप्रॉन्स : 700, लॉबस्टर : 1500, मोरी : 180-240, मांदेली : 60-120, राणीमासा : 80-120, खेकडे : 160-180, चिंबोर्‍या : 380-440, खाडीची मासळी : सौंदाळे : 200, खापी : 180-200, नगली : 200-400, तांबोशी : 360, पालू : 280, लेपा : 80-280, शेवटे : 240, बांगडा :120-180, पेडवी ः 60, बेळुंजी ः 100-120, तिसर्या : 160, खुबे : 120, तारली : 80-100.
नदीची मासळी : रहू : 140, कतला : 140-180, मरळ : 320-360, शिवडा : 140, चिलापी : 40-80, मांगूर : 130, खवली : 150, आम्ळी : 60-80, खेकडे : 160, वाम : 400.
मटण : बोकडाचे : 440, बोल्हाईचे : 440, खिमा : 440, कलेजी : 480.
चिकन : चिकन : 140, लेगपीस : 170, जिवंत कोंबडी : 110, बोनलेस : 240.
अंडी : गावरान : शेकडा : 620, डझन : 84 प्रति नग : 7. इंग्लिश : शेकडा : 395 डझन : 54 प्रतिनग : 4.50.