पिस्तूल बाळगणार्या तरुणास अटक
जळगाव प्रतिनिधी । शहरातील सद्गुरूनगर भागात गावठी पिस्तूल व तीन जिवंत काडतूस बाळगणार्या तरुणास स्थानिक गुन्हे शाखेच्या पथकाने अटक केली आहे.
ज्ञानेश उर्फ सोनू रत्नाकर मोरे (वय ३१, रा. सद्गरुनगर) हा सद्गुरूनगरात पिस्तूल घेऊन फिरत असल्याची माहिती स्थानिक गुन्हे शाखेचे निरीक्षक सुनील कुराडे यांना मिळाली होती. त्यानुसार त्यांनी सहायक निरीक्षक मनोहर देशमुख, रामचंद्र बोरसे, अनिल इंगळे, विनाद पाटील, संजय सपकाळे, रवींद्र गायकवाड, किरण चौधरी, संतोष मायकल, मिलिंद सोनवणे व शरद भालेराव यांचे पथक तयार करुन सद्गुरूनगर भागात कोम्बिंग ऑपरेशन सुरू केले. यात मध्यरात्री ज्ञानेश याला अटक करण्यात आली.