पीकअप व्हॅन-टँकरच्या धडकेत जळगावचे दोन तरुण ठार

पातरखेडे ते तुराटखेडे दरम्यानची घटना ; टायर फुटल्याने पीकअप अनियंत्रित; एक जण गंभीर जखमी

एरंडोल: एरंडोलपासून सुमारे आठ किलोमीटर अंतरावरील पातरखेडे ते तुराटखेडे दरम्यान टायर फुटल्याने अनियंत्रित झालेली पीकअप व्हॅन आणि टँकरची समोरासमोर धडक झाली. दुपारी झालेल्या या अपघातामध्ये जळगाव येथील दोन तरुणांचा जागीच मृत्यू झाला.
कॉस्टिक सोड्याची वाहतूक करणारे टँकर (एमएच 48 जे 0522) धुळ्याकडून जळगावकडे येत होते, तर पीकअप व्हॅन (एमएच 15 एफव्ही 2381) धुळ्याकडे जात होती. एरंडोलपासून सुमारे आठ किलोमीटर अंतरावर पातरखेडे ते तुराटखेडे दरम्यान पांडुरंग मराठे यांच्या शेताजवळ पीकअपचे पुढील टायर अचानक फुटले. यामुळे पीकअप व्हॅन समोरील टँकरवर आदळली. या अपघातात पीकअपमधील दोन जण जागीच ठार, तर एक जण जखमी झाला. अल्ताफ शेख वहाब मन्यार (वय 32, रा. हाजी अहमदनगर, जळगाव) आणि शेख इक्बाल शेख ताहेर मन्यार (वय 27, रा. हाजी अहमदनगर, जळगाव) अशी मृतांची नावे आहेत. हे दोघे नातेवाईक असल्याचे समोर आले. या भीषण अपघातात दोन्ही वाहनांचे नुकसान झाल आहेे. दोन्ही मृतदेह पारोळा येथील कुटीर रुग्णालयात रवाना करण्यात आले आहेत.