पुढच्या आठवड्यात तीन दिवस बँका राहणार बंद

मुंबई : बँकेमध्ये तुमची जर काही महत्त्वाची कामे असतील, तर ती याच आठवड्यात करून घ्या, कारण पुढच्या आठवड्यात तीन दिवस बँका बंद राहणार आहेत. कारण १२ ते १४ जानेवारीपर्यंत सलग तीन दिवस सुट्या आल्या आहेत.

१२ जानेवारीला दुसरा शनिवार आहे. त्यामुळे बँकांना सुट्टी असेल. १३ जानेवारीला रविवारी असल्याने बँका बंद राहतील. तर १४ जानेवारी सोमवारी मकरसंक्रांतनिमित्त बँकांना सुट्टी देण्यात आली आहे. परिणामी, रोख व्यवहारांसह धनादेश वठणावळही बंद असेल. एकंदरीतच रोख रक्कम काढण्यासाठी शनिवारी आणि रविवारी ग्राहक बँक एटीएमवर गर्दी करतील. त्यामुळे ऐन सणासुदीत रोख रकमेची चणचण जाणवू शकते.