पुणे-बेंगळुरू महामार्गावर बस उलटल्याने दोन जण ठार

पुणे-पुणे-बेंगळुरू राष्ट्रीय महामार्गावर बडेकोळमठ येथे बस उलटून दोन जण जागीच ठार झाले, तर चार जण जखमी झाले आहेत. आज सकाळी ६.३० वाजेच्या सुमारास हा ही घटना घडली. जखमींना उपचारासाठी जवळच्या रुग्णालयात दाखल करण्यात आले आहे.

अपघातग्रस्त बस बेळगावहून हुबळीच्या दिशेने निघाली होती. त्यात १८ प्रवासी होते. उतारावरून जात असताना बसमध्ये तांत्रिक बिघाड झाला. बसचा ब्रेकच लागत नव्हता. त्यामुळे चालकाने बस बाजूला घेण्याचा प्रयत्न केला. त्याचवेळी दुभाजकाला आदळून ही बस उलटली. त्यात दोन जण ठार झाले. मृतांमध्ये बसचालक अशोक धुंडी (५०) यांच्यासह एका वृद्ध प्रवाशाचा समावेश आहे.