पुण्यातील धायरी परिसरात बॉम्बसदृश्य वस्तू आढळल्याने खळबळ !

पुणे- पुण्यातील धायरी दळवीवाडी येथे बॉम्बसदृश्य वस्तू आढळल्याने एकच खळबळ उडाली आहे. घटनास्थळी बॉम्बशोधक पथक दाखल झाले असून बॉम्बसदृश्य वस्तूचा तपास करण्यात येत आहे.

धायरी येथील दळवीवाडी येथील रस्त्याच्या कडेला पुणे महापालिकेच्या कचरा गोळा करणार्‍या व्यक्तींना ही संशयास्पद वस्तू सर्वप्रथम दिसली. दुपारी 2.30 वाजण्याच्या सुमारास याबाबतची माहिती पोलिसांना व बॉम्बशोधक पथकाला देण्यात आली. सिंहगड पोलिस तपास करत आहे.