पुण्यात नगरसेवक हरविल्याचे उपरोधिक बॅनर

पुणे-पुण्याचे पुणेरी पाट्यावरून जगभरात नाव आहे. दरम्यान गेल्या काही दिवसांपासून पुणेकरांनी निवडून दिलेल्या लोकप्रतिनिधींना जाब विचारण्यासाठी बॅनरबाजी सुरु केली आहे.

नागरी सुविधांकडे दुर्लक्ष केल्याचा आरोप करीत नगरसेवक हरवले आहेत, अशा आशयाचे बॅनर पुण्यात पुण्यातील प्रभाग क्रमांक ३३ मधील चव्हाण बागेच्या परिसरात लावण्यात आला आहे. या बॅनरची शहरभर चर्चा सुरु आहे. या बॅनरच्या माध्यमातून लोकप्रतिनिधी आणि प्रशासनाचे लक्ष वेधले जात आहे.

पुणे महानगरपालिकेच्या २०१७च्या निवडणुकीपूर्वी शहरातील अनेक भागात नगरसेवक हरवले आहेत, अशा फ्लेक्सबाजीतून नागरिकांचे लक्ष वेधण्याचा प्रयत्न करण्यात आला होता. या फ्लेक्सबाजीला दीड वर्ष होत नाही, तोवर आज पुण्यातील प्रभाग क्रमांक ३३ मध्ये नगरसेवक हरवले आहेत. रोडवर ड्रेनेज मैलापाणी, रस्त्याची प्रचंड दुरावस्था, अपघातांची मालिका सुरू अशा मजकुराचा फ्लेक्स लावण्यात आला आहे.