पूर्वाला आंतरराष्ट्रीय जेतेपद

पुणे । इस्रायल ज्युनियर इंटरनॅशनल बॅडमिंटन स्पर्धेतील 19 वर्षांखालील मुलींच्या एकेरीत पुण्याच्या पूर्वा बर्वे हिने तर वरुण कपूरने 15 वर्षांखालील मुलांच्या एकेरीचे विजेतेपद पटकावले. गेल्या वर्षीचा पराभवाचा वचपा पूर्वाने यावेळी काढला. अंतिम लढतीत चौथ्या मानांकित पूर्वाने रशियाच्या लीला मिनाद्झेवर 21-6, 21-4 अशी सहज मात केली. उपांत्य लढतीत पूर्वा रशियाच्याच युलिया व्हॅसिल्येवावर  तर लीलाने रूमानियाच्या लोआना ग्रेसियाचा असा पराभव केला होता. अंतिम फेरीपर्यंतच्या वाटचालीत पूर्वाला तीन रशियन खेळाडूंचा सामना करावा लागला, याबाबत पूर्वा म्हणाली, ‘रशियन खेळाडू सहजासहजी हार मानत नाहीत, कडवी झुंज देतात. अंतिम फेरीपर्यंतच्या वाटचालीत रशियाच्या युलियाचे आव्हान सोपे नव्हते. मात्र, तिच्यावर विजय मिळविण्यात मी यशस्वी ठरले.’ पूर्वाचे हे ‘ज्युनियर’मधील पहिलेच आंतरराष्ट्रीय जेतेपद ठरले. कारकिर्दीतील पहिले आंतरराष्ट्रीय विजेतेपदाने जणू एक स्वप्नपूर्तीच झाल्याचे 16 वर्षीय पूर्वाने सांगितले.