पेट्रोल फक्त १ पैसा स्वस्त; नागरिकांची क्रूर थट्टा
नवी दिल्ली-पेट्रोल-डिझेलच्या दररोज वाढणाऱ्या किंमतीला वैतागलेल्या नागरिकांना आज सकाळी तेलकंपन्यांनी दिलासा दिला. परंतु, हा दिलासा काही क्षणाचा होता. तेलकंपन्यांनी बुधवारी पेट्रोल ६० पैसे आणि डिझेल ५६ पैशांनी स्वस्त झाल्याचे जाहीर केले. पण वास्तवात पेट्रोलच्या दरात फक्त एक पैशाचीच कपात झाली आहे. इंडियन ऑइलच्या वेबसाइटवर एका चुकीमुळे तिथे ६० पैशांची कपात दिसत होती. चूक लक्षात येताच कंपनीकडून स्पष्टीकरण देण्यात आले आणि पेट्रोलच्या दरात फक्त एका पैशाचीच कपात केल्याचे जाहरी करण्यात आले आहे.
तेल कंपन्यांच्या या प्रकारामुळे देशातील नागरिकांमधून संताप व्यक्त केला जात आहे. सध्या दिल्लीत एक लिटर पेट्रोलसाठी ७८.४२ आणि मुंबई ८६.२३ पैसे असा दर आहे. तर डिझेल दिल्लीत ६९.३० रूपये तर मुंबईत ७३.७८ रूपये प्रति लिटर असा दर आहे.
Indian Oil Corporation corrects earlier figures, Petrol prices went down not by 60 paise in Delhi & 59 paise in Mumbai but by just 1 paise. Diesel prices also went down by just 1 paise instead of 56 paise in Delhi & 59 paise in Mumbai pic.twitter.com/OXqR2QEIBP
— ANI (@ANI) May 30, 2018