पोलिसाने घातला दारू पिऊन धिंगाना

अहमदनगर – अमोल मालुसरे असं या पीएसआयचं नाव आहे. तो बीड जिल्ह्यातील गेवराई पोलीस ठाण्यात कार्यरत आहे.
जिल्ह्यातील पाथर्डी येथे पोलीस दलात पोलीस उपनिरीक्षक असलेल्या एका पोलिसाने दारू पिऊन धिंगाना घातल्याची घटना समोर आली आहे. अमोल मालुसरे असं या पीएसआयचं नाव आहे. मद्यप्राशन करण्यार्यांवर वाचक ठेवण्याचे काम करणाऱ्या पोलिसांकडून तरी अशी अपेक्षा नसते. दारुच्या नशेत तऱ्हाट झालेल्या पोलीस उपनिरीक्षकानं बिअर बारमध्ये मारझोड केली.

इतकंच नाही तर रिव्हॉल्व्हरचा धाक दाखवून मालक, ग्राहक आणि सोडवायला आलेल्या पीएसआयलाही चोप दिला. साडेचार हजाराचं बिल मागितल्याचा राग आल्याने त्याने थेट रिव्हॉल्व्हर काढून धमकावण्यास सुरुवात केली. काउंटरवर रिव्हॉल्व्हर आपटून आपटून त्याचे तुकडे केले. यावेळी मालुसरेनं नशेत मालक आणि ग्राहकांना चोपण्यास सुरुवात केली. यावेळी सोडवायला आलेल्या पीएसआयलाही त्यानं मारझोड केली.मधुबन परमिटरुममध्ये रात्रीच्या सुमारास हा राडा झाला. याबाबत पाथर्डी पोलीस स्टेशनला गुन्हा दाखल झाला असून मालुसरेला अटक करण्यात आली.