पोलीस कर्मचाऱ्यांना हेल्मेटचे वाटप

पिंपरी – चिंचवड : वाढत्या शहरीकरणामुळे पोलीस कर्मचाऱ्यांना सुरक्षा गस्त तसेच न्यायालयीन कामकाजानिमित्त दुचाकी घेऊनच २४ तास रस्त्यावर कार्यरत रहावे लागते. बीट मार्शल असो किंवा समन्स बजावणारे पोलीस कर्मचारी असो सुरक्षा हेतू नागरी सेवेचे कर्तव्य बजवावेच लागते. त्यामुळे अश्या सतत मोठा काळ रस्त्यावर धावपळ करणाऱ्या पोलीस कर्मचाऱ्यांना प्राधिकरण नागरी सुरक्षा कृती समिती व पिंपरी चिंचवड पोलीस आयुक्तालय यांच्या संयुक्त विद्यमाने हेल्मेट चे वाटप करण्यात आले.

समिती व आयुक्तालयाच्या वतीने हेल्मेट वापर जनजागृती हेतूने शहरात सुरक्षा अभियान राबविले जात आहे. त्या निमित्ताने प्रजासत्ताक दिनाच्या पूर्वसंध्येला निगडी पोलीस ठाणे व चिखली पोलीस ठाणे येथे हेल्मेट वाटप करण्यात आले. प्रमुख उपस्थिती “ती” चे प्रतिनिधित्व करणारी “चिमुकली” शालेय विद्यार्थिनी श्रीशा गायकवाड,वरिष्ठ पोलीस निरीक्षक विवेक मुगळीकर, अमरनाथ वाघमोडे पोलीस निरीक्षक शंकर आवताडे, राजेंद्र निकाळजे प्राधिकरण नागरी सुरक्षा कृती समितीचे अध्यक्ष विजय पाटील, संपर्क प्रमुख विजय मुनोत, जैन सोशल ग्रुप डायमंड शहर उपाध्यक्ष संतोष छाजेड, उमा गायकवाड,उद्योजक ब्रजेशकुमार चोबे, शशिधरण पिल्लई, अमर कुंभार, सतीश देशमुख, राजेंद्र येळवंडे, उद्धव कुंभार, लक्ष्मण इंगवले, बळीराम शेवते, विजय जगताप, संतोष चव्हाण, अमित डांगे, विजय बर्गे, हरिश्चंद्र राऊत यांची होती. चिमुकली श्रीशा गायकवाडच्या हस्ते हेल्मेट वाटप करण्यात आले.या वेळी दोनही पोलीस ठाण्याचे पोलीस कर्मचारी उपस्थित होते.

या प्रसंगी वरिष्ठ पोलीस निरीक्षक विवेक मुगळीकर म्हणाले,” वेगाने विकसित होणाऱ्या पिंपरी चिंचवड शहराकरिता पोलीस अधिकारी व कर्मचारी यांची सतत धावपळ सुरू आहे. नागरी सुरक्षेकरिता व सेवेकरिता तत्पर असताना पोलीस कर्मचार्यांनी स्वतःच्या सुरक्षेची काळजी घेणेही महत्वाचे आहे. हेल्मेट नक्कीच सुरक्षा कवच म्हणून आवश्यक आहे. समितीने शहरात राबविलेले हेल्मेट सुरक्षा अभियान नक्कीच स्वागताहार्य आहे.नागरिकांनीही दुचाकी चालविताना हेल्मेट वापरावे.”

निरीक्षक अमरनाथ वाघमोडे, शंकर आवताडे, समिती अध्यक्ष विजय पाटील यांनीही मनोगत व्यक्त केले. कार्यक्रमाचे सूत्रसंचालन विजय मुनोत यांनी केले.आभार प्रदर्शन विभाग प्रमुख सतीश देशमुख यांनी केले.