प्रक्षोभक भाषणे देणाऱ्या नेत्यांच्या यादीत गुलाबराव पाटील

मुंबई-साधारणत निवडणुकीच्या काळात राजकीय नेत्यांकडून प्रक्षोभक भाषणे केली जातात. कधी कधी हि भाषणे जातीय दंगली घडविण्यास कारणीभूत ठरतात. अश्याच प्रक्षोभक भाषणे करणाऱ्या राजकीय नेत्यांची नावे असोसिएशन ऑफ डेमॉक्रॅटिक रिफॉर्म्स म्हणजेच एडीएआर या संस्थेने जाहीर केले आहे. यात राज्याचे सहकार राज्यमंत्री जळगाव ग्रामीण मतदारसंघाचे शिवसेना आमदार गुलाबराव पाटील यांचा देखील समावेश आहे. प्रक्षोभक भाषण दिल्याप्रकरणी गुलाबराव पाटील यांच्यावर गुन्हा दाखल आहे. त्यांच्या सोबतच अमळनेरचे अपक्ष आमदार शिरीष चौधरी यांच्यावरही प्रक्षोभक भाषण प्रकरणी गुन्हा दाखल आहे. प्रक्षोभक भाषण करणाऱ्यांच्या यादीत भाजपचे 10 खासदार आणि 17 आमदार आहेत. यातील चार आमदार महाराष्ट्रातील आहेत.

विद्यमान १५ खासदार ‘
देशातील सध्याच्या 58 आमदार, खासदारांनी प्रक्षोभक भाषणाप्रकरणी आपल्यावर गुन्हा दाखल झाला असल्याचं जाहीर केलं आहे. विद्यमान 15 खासदारांनी प्रक्षोभक भाषणाप्रकरणी गुन्हे दाखल असल्याचं जाहीर केलं आहे. प्रक्षोभक भाषणाप्रकरणी भाजपच्या 10, तर AIUDF,TRS, PMK, AIMIM आणि SHS या पक्षांच्या प्रत्येक एक खासदारांवर गुन्हा दाखल आहे. देशभरातील विद्यमान 43 आमदारांनी आपल्यावर प्रक्षोभक भाषणाप्रकरणी गुन्हा असल्याचं जाहीर केलं आहे. यामध्ये भाजप 17, टीआरएस आणि एमआयएमचे प्रत्येकी 5, टीडीपीचे 3, काँग्रेस, तृणमूल,, जेडीयू आणि शिवसेनेचे प्रत्येकी 2, डीएमके, बसपा, सपा यांचे प्रत्येकी 1 आणि दोन अपक्ष आमदारांवर प्रक्षोभक भाषणाप्रकरणी गुन्हा दाखल आहे.

राज्यनिहाय दाखल गुन्हे
प्रक्षोभक भाषण करणाऱ्या आमदारांमध्ये महाराष्ट्रातील 4 आमदारांचा समावेश आहे. तर तेलंगणात सर्वाधिक 11, उत्तर प्रदेश 9, बिहार 4, आंध्र आणि कर्नाटक प्रत्येकी 3, उत्तराखंड आणि प. बंगाल प्रत्येकी 2, तर गुजरात, मध्य प्रदेश, तामीळनाडू, राजस्थान आणि झारखंडमध्ये प्रत्येकी 1 आमदारावर प्रक्षोभक भाषणप्रकरणी गुन्हा दाखल आहे.