प्रणव मुखर्जी आता राजकारणात परतणार नाही-शर्मिष्ठा मुखर्जी
नवी दिल्ली: प्रणव मुखर्जी यांची राजकारणात परतण्याची कुठलीही योजना नाही, असे त्यांची मुलगी शर्मिष्ठा मुखर्जी यांनी स्पष्ट केले आहे. २०१९ ला त्रिशंकू लोकसभा निर्माण झाल्यास, प्रणव मुखर्जी हे सर्वसहमतीने पंतप्रधान होऊ शकतात, त्या दृष्टीनेच प्रणव मुखर्जींना नागपुरातल्या राष्ट्रीय स्वयंसेवक संघाच्या कार्यक्रमात बोलावण्यात आले असण्याची शक्यता आहे, असे वक्तव्य शिवसेना खासदार संजय राऊत यांनी केले होते.
Mr. Raut, after retiring as President of India, my father is NOT going to enter into active politics again https://t.co/WJmmZx5g1y
— Sharmistha Mukherjee (@Sharmistha_GK) June 10, 2018
राउत यांच्या वक्तव्यानंतर देशभरात यासंदर्भातली चर्चा सुरू झाली होती. पण भारताचे राष्ट्रपती म्हणून निवृत्त झाल्यानंतर माझ्या वडिलांची राजकारणात परतण्याची कुठलीही योजना नाही, असे ट्विट करुन शर्मिष्ठा मुखर्जी यांनी या चर्चेला पूर्ण विराम दिले आहे. शर्मिष्ठा मुखर्जी या दिल्ली प्रदेश काँग्रेसच्या प्रवक्त्या आहेत..