प्रद्युम्न खून प्रकरणात आणखी एक विद्यार्थी

गुडगाव : प्रद्युम्न खून प्रकरणाचा तपास करणारी सीबीआय आता या प्रकरणी आणखी एका विद्यार्थ्याची अटक करू शकते. हा विद्यार्थीदेखिल हत्येच्या कटात सहभागी असल्याचा संशय सीबीआयला आहे. त्याच्या घराचे लोकेशनही तपासण्यात आले आहे. 11 वी तील एका विद्यार्थ्याला आधीच अटक करण्यात आली आहे. जुवेनाइल कोर्टाने या विद्यार्थ्याला तीन दिवसांची कोठडी सुनावली आहे. गुरुवारी सायंकाळी सीबीआय अधिकार्‍यांनी आरोपीला सोहना भागातील दुकानात नेले. याठिकाणाहून त्याने हत्येसाठी चाकू खरेदी केल्याचे म्हटले गेले होते.

दुकानदाराचा ओळखण्यास नकार
आरोपी विद्यार्थ्याला सीबीआयच्या टीमने चाकू खरेदी केला होता त्या दुकानावर नेले. त्याची चौकशीही केली. पण दुकानदाराने विद्यार्थ्याला ओळखायला नकार दिला. दुकानदाराचे म्हणणे आहे की, त्याच्या दुकानावर रोज अनेक लोक विविध प्रकारच्या वस्तू खरेदी करण्यासाठी येतात. त्यामुळे अडिच महिन्यापूर्वी हाच चाकू खरेदी करण्यासाठी आला होता का हे कसे लक्षात राहणार. आरोपी विद्यार्थ्याने वडिलांसमोर गुन्हा मान्य केला होता. सीबीआयने ही बात आरोपी विद्यार्थ्याच्या रिमांडसाठी कोर्टात सादर केलेल्या कॉपीमध्ये सांगितली होती.

खून केल्याचे कबुल केले
खूनामध्ये इतर कोणाचा सहभाग आहे का, याच्या चौकशीसाठी रिमांड गरजेचा असल्याचे म्हटले होते. विद्यार्थ्याचे वडिल आणि सीबीआय वेल्फेअर अधिकार्‍यांसमोर घटनेत सहभागी असल्याचे मान्य केले होते. या खटल्यात शाळेच्या बसचा कंडक्टर अशोक कुमार याच्याशिवाय रेयान ग्रुपचे दोन अधिकारी नॉर्थ झोन हेड फ्रांसिस थॉमस आणि भोंडसी येथील शाळेचे कोऑर्डिनेटर यांना अटक झाली होती.