प्रभाग क्र 19 (अ) च्या पोटनिवडणुकीत निता सोनवणे बिनविरोध

जळगाव– मनपाच्या प्रभाग क्रमांक 19 अ च्या पोटनिवडणुकीत शिवसेनेच्या निता सोनवणे यांची बिनविरोध निवड झाली. निवडीची घोषणा शुक्रवारी करण्यात आली. प्रभाग क्रमांक 19 अ मधील शिवसेनेच्या नगरसेविका लताताई सोनवणे या चोपडा विधानसभा मतदारसंघातून विजयी झाल्या. त्यामुळे त्यांनी नगरसेवकपदाचा राजीनामा दिला. त्यांच्या रिक्त जागेसाठी पोटनिवडणूक झाली. यात शिवसेनेच्या निता सोनवणे आणि अपक्ष म्हणून आशा कोळी यांनी उमेदवारी अर्ज दाखल केला होता. मात्र आशा कोळी यांनी माघार घेतल्याने निता सोनवणे यांची बिनविरोध निवड झाली. निवडीची घोषणा निवडणूक निर्णय अधिकारी यांनी केली. दरम्यान, नवनिर्वाचित नगरसेविका निता सोनवणे यांचा सत्कार करण्यात आला.