प्रारुप मतदार यादीत घोळ; हरकतीवर अंमलबजावणीची सुचना

जळगाव : महापालिकेची आगामी निवडणुकीची मनपा प्रशासनाने प्रसिद्ध केलेली प्रारुप मतदार यादीच्या घोळा झाला आहे. यावर आज सत्ताधारी खान्देश विकास आघाडी यांनी आयुक्तांची भेट घेवून तक्रार केली. याबाबत आयुक्तांनी अधिकार्‍याची बैठक घेवून आलेल्या हरकतीवर स्पॉट व्हीजीट करून पडताळणी करण्याच्या सुचना दिल्या आहे. महापालिकेची 2018 सार्वत्रीक निवडणूकीची प्रारुप मतदार यादी मनपा प्रशासानाने 5 जूनला जाहीर केली. मतदार यादीत प्रचंड घोळ बाबत आधीच तक्रारी विरोधीपक्षाकडून होत असतांना आज सत्ताधारी खाविआच्या सदस्यांनी आयुक्त चंद्रकांत डांगे यांची बैठक घेवून यादीतील झालेल्या घोळ बाबत तक्रार केली. यावेळी महापौर ललित कोल्हे, उपमहापौर गणेश सोनवणे, स्थायी समिती सभापती ज्योती इंगळे, माजी महापौर नितीन लढ्ढा, माजी उपमहापौर सुनील महाजन, नगरसेवक नितीन बरडे, शामकांत सोनवणे, चेतन शिरसाळे, अनंत जोशी आदींनी भेट घेतली.

रहिवास पुरावा कोण देणार ?
मतदार यादीचा घोळ असल्याबाबत आयुक्त डांगेंनी महापौर ललित कोल्हे, उपमहापौर यांच्यासोबत पदाधिकारी आणि अधिकार्‍यांसोबत बैठक घेतली. यावेळी आलेल्या हरकतमध्ये रहिवास पुरावा सादर करण्याचे सांगितले. मात्र पदाधिकार्‍यांनी रहिवास पुरावा आम्ही सादर करणार नाही तो तुम्हाला प्रत्यक्ष जावून पडताळणी करतांना पुरावा घ्यावा असे सांगितले. त्यामुळे अर्धातास यावर चर्चा झाली. दरम्यान, मतदार यादीत रहिवासाव्यतिरिक्त इतर प्रभागांमध्ये मतदारांचा नावे असल्याचा हरकती येतील. संबंधित व्यक्तिने पुराव्यासह तक्रारी केल्यास प्रत्यक्षस्थळी चौकशी करता येवू शकते. त्यासाठी मनपा कर्मचार्‍याने प्रत्यक्ष जावून रहिवासी पुराव्याद्वारे पडताळणी करावी, असे आदेश आयुक्तानी संबंधित अधिकार्‍यांना दिले.

एकाच दिवशी 438 हरकती
मनपा प्रशासनाने 5 जूनला प्रारुप मतदार यादी जाहीर केली. परंतू मतदार यादीतील घोळांमुळे या यादीवर हरकती येऊ लागल्या आहे. 8 जूनपर्यंत 45 हरकीचा आल्या होता. तर आज चक्क 19 प्रभागातून तब्बल 438 हरकती आज आल्या असून एकून 689 हरकती आत्तापर्यंत प्राप्त झाल्या आहेत. बहुसदस्यी प्रभागरचनेनुसार प्रारुप मतदार यादी तयार करतांना घोळ झाला आहे. मनपाचे संबंधित अधिकार्‍यांनी प्रत्यक्ष पाहणी न करता एकाच ठिकाणी बसून कागदोपत्रानूसार याद्या तयार केल्याचा आरोप होत आहे. त्यामुळे संबंधित अधिकारी चांगलेच घाबरलेले असून पुन्हा याद्यांचे काम करावे लागणार आहे.

मतदारांची नावे दुसर्‍या प्रभागात
सत्ताधारी नेत्यांनी आयुक्तांना याद्या बाबत प्रत्यक्ष झालेल्या घोळ बाबत माहिती दिली. यादीतील मतदार प्रत्यक्ष दुसर्‍या प्रभागात राहतो. परंतू त्यांचे दुसर्‍या प्रभागात नावे असल्याचे, तसेच पूरवणी यादीत देखील अनेक मतदारांचा नावे नाही. यादीचे टायटलमुळे घोळ झाल्याची आयुक्तांना सांगितले.