प्रा. अनिल देशमुख यांचे अपघाती निधन

नंदुरबार।  कनिष्ठ महाविद्यालय शिक्षक महासंघाचे राज्य अध्यक्ष प्रा. अनिल देशमुख याचे शहादा जवळ कार अपघातात निधन झाले आहे.

अनिल देशमुख हे कुटुंबाससह खाजगी गाडीने शहाद्याहून खेतियाकडे जात असताना त्यांच्या गाडीचा अपघात झाला. लोणखेडा बाय पास रस्त्यावरील मयूर पेट्रोल पंप च्या पुढे शनिवारी दुपारी ही घटना घडली.  त्यात त्यांच्या मेंदूत अती रक्तस्त्राव झाल्याने शहादा येथील सार्थक क्रिटिकेअर मध्ये उपचारा दरम्यान त्यांचे निधन झाले. त्यांच्या पत्नी, मुलगा, आई व शालक यांना दुखापत झाल्याने त्यांचेवर रूक्मिणी ॲक्सिडेंट हॉस्पिटल मध्ये उपचार करण्यात आले.

अपघात घडला तेव्हा बबन परशुराम कोळी यांनी जखमींना उचलून दवाखान्यात दाखल केले. या अपघातातील मयत अनिल देशमुख यांच्यावर रात्री ८.३० पिंपळगाव हरेश्वर ता. पाचोरा, जि. जळगाव या मुळ गावी अंत्यसंस्कार होणार आहे.