प्रियकरावर गुन्हा दाखल
पिंपरी : लग्न करण्याचे आमिष दाखवून प्रेमसंबंध ठेवलेल्या प्रियकरावर गुन्हा दाखल करण्यात आला आहे. त्याने दुसर्‍याच तरुणीसोबत विवाह जमविल्याचा मानसिक धक्का सहन न झाल्याने त्याच्या प्रेयसीने आत्महत्या केली. या प्रकरणी प्रियकरावर गुन्हा दाखल केला आहे. ईश्‍वरी बाबूराव पोकळे (वय 22, रा. पिंपळे गुरव) असे आत्महत्या केलेल्या तरुणीचे नाव आहे. याबाबत योगेश गोकुळ सोनावणे (रा. प्रिय अपार्टमेंट, सिडको, रामनगर, औरंगाबाद) असे आत्महत्येस प्रवृत्त केल्याचा गुन्हा दाखल झालेल्या प्रियकराचे नाव आहे. याबाबत पुष्पा बाबूराव पोकळे (वय 50, रा. पैठण, औरंगाबाद) यांनी सांगवी पोलीस ठाण्यात फिर्याद दिली आहे. सोनावणे याने ईश्‍वरी यांना लग्नाचे आमिष दाखविले. एवढेच नव्हे तर ते दोघेजण एकाच घरात राहत होते. मात्र योगेश याने दुसर्‍याच मुलीसोबत विवाह ठरविला. याबाबत त्याने ईश्‍वरीला सांगितले. हा धक्का सहन न झाल्याने ईश्‍वरी हिने इमारतीवरून उडी मारून आत्महत्या केली. सहायक निरीक्षक अलका सरग अधिक तपास करीत आहेत.