प्रेम संबंध ठेवण्यासाठी ठार मारण्याच्या धमकीनंतर विवाहितेची आत्महत्या : पाच जणांविरोधात गुन्हा

जामनेर : तू माझ्याशी प्रेम संबंध ठेव नाहीतर तूला मारुन टाकीन, या सतत कृत्याच्या छळाला कंटाळून विवाहितेने विषारी औषध प्राशन करुन आत्महत्या केली. याप्रकरणी अर्जुन रामा जाधवसह पाच संशयीतांविरोधात गुन्हा दाखल करण्यात आला आहे.

विवाहितेने उचलले टोकाचे पाऊल
तालुक्यातील एका गावातील विवाहितेला तू माझ्याशी प्रेम संबंध ठेव नाहीतर तूला मारुन टाकीन अशी धमकी अर्जुन रामा जाधव याने दिली. एवढेच नव्हे तर हात पकडून मनास लज्जा उत्पन्न होईल असे कृत्य करुन शिवीगाळ केली. नेहमीच्या त्रासाला कंटाळून विवाहितेने विषारी औषध प्राशन करुन 24 फेब्रुवारी 2022 रोजी सकाळी सात वाजेच्या सुमारास आत्महत्या केली. याप्रकरणी पीडीत विवाहितेच्या सासूने दिलेल्या फिर्यादीवरून अर्जुन रामा जाधव, चरणदास रामा जाधव, राजू रामा जाधव, अनिल अर्जुन जाधवसह एका महिलेविरुद्ध गुन्हा दाखल करण्यात आला. पुढील तपास पोलिस निरीक्षक प्रताप इंगळे यांच्या मार्गदर्शनाखाली उपनिरीक्षक दिलीप पाटील हे करीत आहेत.