प्लुटोवर सापडलाय बर्फाच्छीत पृष्ठभाग

अंतराळ संशोधन संस्था नासाने प्लुटो ग्रहासंदर्भात २००६ मध्ये सुरू केलेल्या मोहिमेतून आता विलक्षण निष्कर्ष निघत असून या ग्रहावर डोंगररांगा आणि पृष्ठभागावर आच्छादिलेला बर्फ आढळला आहे. त्याचे व्हीडिओच नासाने व्हायरल केले आहेत.

नासाच्या प्लुटोविषयक अहवाल तयार करण्याचे काम २०१५ पर्यंत सुरू होते. त्यासाठी १२०० फोटोंचा आणि इतर माहितीचा १० गिगाबाईट रेकॉर्ड अंतराळ तज्ज्ञांनी तपासला. तेथील प्रकाशात वेगवेगळे रंगही आढळले. त्यांना प्लुटोच्या पृष्ठभागावर निळसर छटा असलेला बर्फ दिसून आला. त्यांच्या मते या बर्फाखाली महासागर असला पाहिजे. प्लुटोचे चंद्र सारख्याच वयाचे आहेत. लाखो वर्षांपूर्वी त्यांची उत्पत्ती झाली.

प्लुटो सुर्यमालिकेतील नववा ग्रह मानला जात होता. आंतरराष्ट्रीय खगोलशास्त्रज्ञ संघटनेने त्याला ग्रह न मानता त्याचे अवमूल्यन केले. शास्त्रज्ञांना वाटतेय की सुर्यमालिकेत नववा ग्रह आहे परंतु त्याचे अस्तित्व अद्याप सिद्ध झालेले नाही.