प्लॉस्टिक वापरणार्‍यांकडून दीड लाखांचा दंड वसूल
पालिकेकडून 2100 किलो प्लॉस्टिक जप्त
पिंपरी : पिंपरी-चिंचवड महापालिकेच्यावतीने नागरिकांनी प्लास्टिक पिशव्यांचा वापर टाळावा, यासाठी प्लॉस्टीक कॅरीबॅगचे उत्पादन, साठा, विक्री आणि वापरबंदी मोहिम राबविण्यात येत आहे. त्याअंतर्गत गेल्या दोन महिन्यात आठ क्षेत्रिय कार्यालयाअंतर्गत प्लास्टिकचा वापर करणार्‍यायांकडून तब्बल एक लाख 45 हजार रुपयांचा दंड वसूल करण्यात आला आहे. त्यामध्ये सर्वाधिक 45 हजार रुपये ‘फ’ क्षेत्रिय कार्यालया मार्फत दंड वसूल करण्यात आला आहे. तर, मंडई, फेरीवाले, दुकानदारांकडून 2190 किलो ग्रॅम प्लॉस्टिक कॅरीबॅग जप्त करण्यात आल्या आहेत. याबाबतची माहिती अतिरिक्त आयुक्त दिलीप गावडे यांनी दिली.
प्लास्टीक वापरावर पूर्णपणे बंदी
पर्यावरणाची आणि नागरिकांच्या आरोग्याची हानी टाळण्यासाठी प्लास्टिकच्या पिशव्या, ग्लास, कप, प्लेटस्, बाटल्या इत्यादींच्या उत्पादनांवर तसेच वापरावर पूर्णपणे बंदी आणली आहे. महाराष्ट्र प्लास्टिकमुक्त करण्याचा निर्णय राज्य सरकारने 23 मार्च रोजी घेतला. त्यानुसार पिंपरी-चिंचवड महापालिकेने देखील त्याची अंमलबजावणी सुरु केली. पालिकेच्या आठही क्षेत्रिय कार्यालयातंर्गत प्लॉस्टिक न वापरण्यासाठी जनजागृती करण्यात आली. प्लॉस्टिक, थर्माकॉल वापरणार्‍यांविरोधात दंडात्मक कारवाई केली. 23 मार्च ते 1 जून आजअखेरपर्यंत प्लॉस्टिकचा वापर करणार्‍यांकडून तब्बल एक लाख 45 हजार रुपयांचा दंड वसूल करण्यात आला आहे.
सर्व क्षेत्रीय कार्यालयातंर्गत जप्त प्लॅस्टिक
यामध्ये ‘अ’ क्षेत्रिय कार्यालयाअंतर्गत 10 हजार, ‘ब’ 15 हजार, ‘क’ दहा हजार, ‘ड’ दहा हजार, ‘इ’ 30 हजार, ‘फ’ 45 हजार, ‘ग’ 20 हजार, ‘ह’ पाच असा एक लाख 45 हजार रुपयांचा दंड वसूल करण्यात आला आहे. त्यामध्ये सर्वाधिक 45 हजार रुपये ‘फ’ क्षेत्रिय कार्यालया मार्फत दंड वसूल करण्यात आला आहे. तर, ‘ह’ कार्यालयाअंतर्गत सर्वाधिक कमी पाच हजार रुपये दंड वसूल करण्यात आला आहे. तर, मंडई, फेरीवाले, दुकानदारांकडून 2190 किलो ग्रॅम प्लॉस्टिक कॅरीबॅग जप्त करण्यात आल्या आहेत. प्लॉस्टिक वापरणार्‍यांकडून 5 ते 25 हजार रुपयांपर्यंत दंड वसूल केला जात आहे.