प. रेल्वेच्या धीम्या मार्गावरही धावणार 15 डब्यांच्या लोकल

मुंबई :- पश्‍चिम रेल्वेवर अंधेरी ते विरारपर्यंत धीम्या मार्गावर 15 डब्यांच्या लोकल लवकरच सुरू होणार आहेत. यासाठी आवश्यक पायाभूत सुविधांची पूर्तता करण्यासाठी सुमारे 70 कोटी रुपयांच्या कामांना मंजुरी मिळाली आहे. त्यात प्लॅटफॉर्मची लांबी, सिग्नल यंत्रणेत बदल, वळणाकडील रुळांना अन्यत्र नेणे आदी कामांचा समावेश आहे. या कामांसाठी सुमारे दीड ते दोन वर्षांचा कालावधी अपेक्षित आहे. अंधेरी ते विरार आणि त्यापुढील मार्गांवर उपनगरीय प्रवाशांची संख्या मोठ्या प्रमाणात वाढली आहे. त्याअनुषंगाने पश्‍चिम रेल्वेने अंधेरी ते विरारपर्यंत 15 डब्यांच्या लोकलचा विस्तार धीम्या मार्गांवरही करण्याचा निर्णय घेतला. त्याची अंमलबजावणी करताना तांत्रिक समस्या, अडचणींचा आढावा घेऊन नियोजन केले आहे.

तांत्रिक समस्या व अडचणींचाही घेतला आढावा
पश्‍चिम रेल्वेवर अंधेरी ते विरारपर्यंत धीम्या मार्गावर 15 डब्यांच्या लोकल चालवता याव्यात यासाठी आवश्यक पायाभूत सुविधांची पूर्तता करण्यासाठी सुमारे 70 कोटी रुपयांच्या कामांना मंजुरी मिळाली आहे. या कामांसाठी सुमारे दीड ते दोन वर्षांचा कालावधी अपेक्षित आहे. 15 डब्यांच्या लोकलचा विस्तार धीम्या मार्गांवरही करताना त्यातील तांत्रिक समस्या, अडचणींचा आढावा घेऊन त्याप्रमाणे नियोजन केले आहे. त्यात सर्वाधिक प्राधान्य पायाभूत सुविधांना देण्यात आले आहे. यासाठी अतिरिक्त डब्यांचीही आवश्यकता असून त्यासाठी स्वतंत्र तरतूद केली जाणार आहे. अंधेरी ते विरारपर्यंत धीम्या मार्गांवर अशा लोकल चालवण्यासाठी प्लॅटफॉर्मची लांबी वाढवणे हे मोठे आव्हान आहे. या सार्‍या तांत्रिक गोष्टींसाठी निविदा प्रक्रिया पूर्ण झाली असून लवकरच ही कामे सुरू होण्याची अपेक्षा आहे. त्यासाठी सुमारे 70 कोटी रुपयांचा खर्च अपेक्षित आहे. मात्र, अतिरिक्त डब्यांच्या खरेदीसाठी वेगळा खर्च होणार आहे.

सिग्नल यंत्रणेतही करणार सुधार
प्लॅटफॉर्मची लांबी वाढवण्याच्या जोडीलाच सिग्नल यंत्रणेत आवश्यक बदल करण्याचाही भाग महत्त्वाचा ठरणार आहे. प्लॅटफॉर्मच्या एका टोकापासून ते दुसर्‍या टोकापर्यंत असणार्‍या सिग्नल यंत्रणेत प्लॅटफॉर्मच्या लांबीनुरूप बदल करावे लागतील. ते करतानाच वळणाच्या ठिकाणी असणार्‍या रुळांचीही जागा बदलावी लागणार आहे. ही कामे पूर्ण झाली की धीम्या मार्गावरही 15 डब्यांची लोकल धावेल.

15 डब्यांच्या लोकलचे फायदे
15 डब्यांच्या लोकल 2009 मध्ये सेवेत आल्या. या सेवांमुळे लोकलमधील प्रवासी संख्या 25 टक्क्यांनी वाढली. 12 डब्यांच्या लोकलमधील प्रवासी संख्या सुमारे 2,400 झाली. लोकलचा अडचणींचा आढावा घेऊन त्याप्रमाणे नियोजन केले आहे 15 डब्यांच्या लोकलमधील प्रवासी संख्या सुमारे 3 हजार असून सध्या अंधेरी ते विरारपर्यंत 78 फेर्‍या आहेत.