फर्ग्युसनमध्ये सत्यनारायणाची ‘महापूजा’; संघटनाचा विरोध

पुणे : विद्येचं माहेरघर असणाऱ्या पुणे शहरातील नावाजलेल्या फर्ग्युसन महाविद्यालयात सत्यनारायणाची महापूजा घालण्यात आल्याची घटना समोर आली आहे, त्यामुळे शिक्षणाचे माहेर असणाऱ्या वास्तूला देवालय बनवण्यात आल्याचा आक्षेप विद्यार्थी संघटनांकडून घेण्यात आला आहे.

फर्ग्युसन महाविद्यालयाचे मुख्य कार्यालय असणाऱ्या इमारतीमध्ये ही महापूजा घालण्यात आली आहे. विशेष म्हणजे एखाद्या मंदिरापूढे लावण्यात येणाऱ्या पाटीप्रमाणे इथे बोर्ड लावण्यात आला असून, सर्वांनी पूजेच्या तीर्थप्रसादाचा लाभ घ्यावा असं लिहिण्यात आलं आहे.

अस म्हंटल जात की, विद्यालयात सर्व जाती-धर्म एक समान मानले जातात. मात्र फर्ग्युसनमध्ये घालण्यात आलेल्या श्रावण निमित्ताने घातलेल्या महापूजेने कॉलेज प्रशासन धार्मिक रुढीचं उदात्तीकरण करत असल्याचा आरोप विद्यार्थी संघटनांनी केला आहे.दरम्यान, श्रावण महिन्यात दरवर्षी सत्यनारायण पूजा करण्यात येते, पण यंदाचं काही विद्यार्थी संघटना आक्षेप का घेत आहेत. असा सवाल देखील विचारला जात आहे.