फळविक्री सोसायटी निवडणुकीने तापणार राजकीय वातावरण

यावल। तालुक्यातील आमोद व बामणोद येथील सहकारी फळ विक्री सोसायट्यांच्या पंचवार्षीक निवडणुकीचा कार्यक्रम जाहिर झाला आहे. यात प्रामुख्यांने येथील कृषी पंडीत व्यंकटराव भगाजी पाटील सहकारी फळ विक्री सोसायटीचा समावेश असल्याने राजकीय वातावरण तापणार आहे.

इच्छूक उमेदवारांकडून मोर्चेबांधणीला आला वेग
तालुक्याच्या सहकार क्षेत्रातील राजकिय वर्चस्व गाजवणारी ही सोसायटी असुन तिच्या निवडणुकीमुळे राजकिय घडमोडींना आता वेग आला आहे. यासह आमोदे को-ऑप फ्रुडसेल सोसायटी या दोघं संस्थांची प्रारुप मतदार यादी प्रसिध्द होत आहे. तेव्हा यावर हरकती घेण्याकरीता 22 जुलै पर्यंतची मुदत देण्यात आली आहे. तर दिपक को-ऑप फ्रुडसेल सोसायटीची प्रारुप मतदार यादी ही शनिवारी प्रसिध्द करण्यात आली असुन या मतदार यादीवर 20 जुलै पर्यंत हरकती स्विकारल्या जाणार आहे. तेव्हा प्रसिध्द मतदार यादीची पडताळणी करुन इच्छुक उमेदवार मोर्चेबांधणी करतांना दिसत आहे. बामणोद व आमोदे सोसायटीचे निवडणुक निर्णय अधिकारी म्हणुन एम.पी. भारंबे तर यावल सोसायटीचे निवडणुक निर्णय अधिकारी म्हणुन राजेश राऊत काम पाहत आहे.

असा आहे निवडणूकीचा कार्यक्रम
तिघं सोसायटीत निवड केले जाणारे संचालकांमध्ये सर्वसधारण – 8, अनुसुचित जाती/जमाती – 1, विमुक्त भटक्या जमाती/नामाप्र – 1, इतर मागास – 1 व महिला – 2 असे एकुण 13 संचालक राहतील. आमोदे को-ऑप फ्रुडसेल मतदार 343, यावल सोसायटी मतदार – 44. प्रारूप मतदार यादी 17 जुलै. हरकती 22 जुलै, अंतिम मतदार यादी प्रसिध्द 25 जुलै, नामनिर्दशन पत्र दाखल 26 ते 30 जुलै, छाणणी 31 जुलै, माघार 2 ते 16 ऑगस्ट मघार नंतर लागलीच चिन्ह वाटप तर मतदान 23 ऑगस्ट 8 ते 4वेळेत होईल.

बामणोद निवडणूक प्रक्रिया
एकुण मतदार – 122. प्रारूप मतदार यादी 15 जुलै. हरकती 20 जुलै, अंतिम मतदार यादी प्रसिध्द 23 जुलै, नामनिर्दशन पत्र दाखल 24 ते 28 जुलै, छाणणी 29 जुलै, माघार 31 जुलै ते 14 ऑगस्ट मघार नंतर लागलीच चिन्ह वाटप तर मतदान 20 ऑगस्ट 8 ते 4वेळेत होणार आहे.