फुटबॉल खेळण्यात माजी मंत्रीही रंगले

मुक्ताईनगरात जी.जी.खडसे महाविद्यालयाचा उपक्रम

मुक्ताईनगर । विद्यार्थ्यांमध्ये फुटबॉलची आवड निर्माण करण्यासाठी महाराष्ट्र मिशन वन मिलियन फुटबॉल उपक्रम शासनाने हाती घेतला आहे. यानिमित्त येथील जी.जी. खडसे महाविद्यालयात आयोजित फुटबॉल स्पर्धेच्या उद्घाटनप्रसंगी माजी महसुलमंत्री आमदार एकनाथराव खडसे यांनी देखील फुटबॉल टोलवून या खेळाचा आनंद घेतला. प्रसंगी उपस्थितांनी टाळ्या वाजवून प्रोत्साहन दिले.

यांची होती उपस्थिती
याप्रसंगी जेडीसीसी बँकेच्या अध्यक्षा अ‍ॅड. रोहिणी खडसे-खेवलकर, तहसीलदार रचना पवार, जिल्हा कॉँग्रेस कमेटीचे एन.जी.पाटील, संदीप पाटील, कृषी उत्पन्न बाजार समिती सभापती निवृत्ती पाटील, पंचायत समिती सभापती शुभांगी भोलाणे, जिल्हा परिषद सदस्य जयपाल बोदडे, माजी पंचायत समिती सभापती विलास धायडे, योगेश कोलते, सरपंच ललित महाजन, ग्रामपंचायत सदस्य संजय कोळी, चंद्रकांत भोलाने, तालुका क्रीडा अधिकारी आसाराम जाधव, प्राचार्य व्ही.आर.पाटील, उपप्राचार्य एस.एम.पाटील, क्रीडा अधीक्षक ढाके, शिक्षक वृंद आणि विद्यार्थी उपस्थित होते.