फेक अकाऊंटवर ट्विटरने आणली बंदी

सॅन फ्रान्सिस्को । ट्विटरने 7 कोटी बनावट खाती बंद केली आहेत. कंपनीने मे आणि जूनमध्ये विशेष मोहीम सोडून अशा खात्यांची ओळख पटवली. ज्यांना ट्रोल आणि अफवा पसरवण्यासाठी जात होता. चीनची न्यूज एजन्सी शिन्हु आनुसार, राजकीय दबाव वाढल्यानंतर ट्विटरने ही कारवाई केली आहे. अफवा अन् हिंसा पसरवणार्‍यांविरुद्ध ट्विटरने कारवाईचा सपाटा सुरू केला असून, 2 महिन्यांत 7 कोटी बनावट अकाउंट बंद केले आहेत. ट्रोल आणि अभद्र पोस्टशी निपटण्यासाठी मे-जूनमध्ये ट्विटरवरील खाते बंद करण्याची विशेष मोहीम सुरू करण्यात आली आहे.

इतर देशांतून कंट्रोल केले जात असलेल्या बनावट खात्यांवर निगराणी ठेवू न शकल्याने अमेरिकी संसद काँग्रेसने ट्विटरची निंदा केली होती. ते म्हणाले होते की, अफवा पसरवणार्‍या या अकाउंटमुळे अमेरिकेचे राजकारण प्रभावित होऊ शकते. ट्विटरच्या सूत्रांनुसार, खाते बंद करण्याचा दर ऑक्टोबरच्या तुलनेत दुपटीहून जास्त झाला आहे. मागच्या काही महिन्यांमध्ये एका दिवसात 10-10 लाख खाते बंद करण्यात आली आहेत.

भारतीयही ट्विटरवर सर्वात जास्त ट्रोलच्या बाबतीत समोर येतात. काही दिवसांपूर्वी काँग्रेस नेत्या प्रियंका चतुर्वेदी आणि त्यांची कन्या बनावट ट्विटर अकाउंटहून धमकी देण्यात आली. विदेश मंत्री सुषमा स्वराजलाही ट्रोल करण्यात आले होते. भारतातही ट्विटरचे 3.04 कोटी युजर आहेत. 2019 पर्यंत त्यांची संख्या 3.44 कोटीवर पोहोचण्याचा अंदाज आहे.

आता ट्विटरने बदलले धोरण ः
आपल्या प्लॅटफॉर्मवर द्वेष आणि हिंसा पसरवणार्‍या पोस्टशी निपटण्यासाठी ट्विटरने मागच्या महिन्यात पॉलिसीत बदल केले होते. यासाठी नव्या टेक्नॉलॉजीचा वापर करणे आणि कर्मचार्‍यांची संख्या वाढवण्याची घोषणा केली होती. कंपनीचे व्हाइस प्रेसिडेंट डेल हार्वे म्हणाले, हे सुनिश्‍चित केले जाईल की, ट्विटरच्या माध्यमातून लोकांना विश्‍वसनीय, प्रासंगिक आणि उच्च गुणवत्तेच्या सूचना मिळतील. संशयास्पद खात्यांवर ट्विटरच्या या कारवाईचा परिणाम त्यांच्या युजरच्या संख्येवर पडू शकतो. एप्रिल-जून तिमाहीचे आकडे येणे बाकी आहे, ज्यात युजर्सची संख्या घटू शकते.