फैजपूरातील पिता-पूत्रांचा अपघाती मृत्यू

फैजपूर : अज्ञात वाहनाने दुचाकीला धडक दिल्यानंतर झालेल्या अपघातात फैजपूर येथील पिता-पूत्रांचा मृत्यू झाला. शनिवारी सकाळी 10 वाजत पिंपरूड फाट्याजवळ हा अपघात झाला. या अपघातानंतर फैजपूर शहरत शोककळा पसरली. गोपाळ जी.पाटील (66) व खेमा गोपाळ पाटील (35, गुरुदत्त कॉलनी, फैजपूर) अशी मयत पिता-पूत्रांची नावे आहेत.

अपघाताने फैजपूरात पसरली शोककळा
पाटील पिता-पूत्र मूळ गावी चिखली, ता.यावल येथे गेल्यानंतर शनिवारी परतीच्या प्रवासात ते दुचाकी (क्रमांक एम.एच.19 बी.डी.5442) ने फैजपूरकडे येत असताना भुसावळ रस्त्यावरील पिंपरूळ फाट्याजवळ सकाळी 10 वाजेच्या सुमारास एका अज्ञात वाहनाने त्यांच्या दुचाकीला जबर धडक दिली. या अपघातात गोपाळ पाटील यांचा जागीच मृत्यू झाला तर खेमा पाटील हे गंभीर जखमी झाले. जखमीस जळगाव येथे हलवल असताना त्याचीही प्राणज्योत मालवली. फैजपूर पोलिसात अज्ञात वाहनचालकाविरुद्ध अपघाताचा गुन्हा दाखल करण्यात आला. पोलिसांकडून अज्ञात वाहनाचा शोध सुरू आहे. तपास सहाय्यक पोलिस निरीक्षक प्रकाश वानखेडे यांच्या मार्गदर्शनाखाली पोलिस उपनिरीक्षक रोहिदास ठोंबरे करीत आहेत.