फैजपूर ऐतिहासिक शाळेची घाणीच्या साम्राज्यात वाताहत

जि. प.शाळेच्या विद्यार्थी जीव मुठीत घेऊन करताय शिक्षण

महामंडलेश्वर जनार्दन महाराज यांच्या कडून पाहणी

शाळेच्या मैदानात कचऱ्याचा ढिग; विद्यार्थ्यांचे आरोग्याचे तिन तेरा

फैजपुर(प्रतिनिधी) ऐतिहासिक म्युनिसिपल हायस्कूल व जि. प संचलित मराठी शाळा न १ मध्ये लागून असलेल्या पटांगणाचा परिसरात घाणीचे साम्राज्य पसरले आहे त्यात विद्यार्थ्यांचा आरोग्याचा प्रश्न निर्माण झाला आहे यात पटांगणाचा परिसरात काही नागरिकांकडून पक्के बांधकाम,शौचालय पाईप, सांडपाण्याचे पाईप हे सोडले आहेत. या सर्व प्रकारामुळे न.पा प्रशासन या कडे गांभीर्य कधी घेणार हा प्रश्न उपस्थित होत आहे. या सर्व प्रकारच्या घाणीचे साम्राज्य पसरले असल्याने विद्यार्थ्यांचा आरोग्याचा प्रश्न निर्माण झाला आहे या पटांगणाची पाहनी आज सोमवारी महामंडलेश्वर जनार्दन हरिजी महाराज यांनी पाहणी केली यावेळी शालेय समिती सभापती शेख कुर्बान,मुख्याधिकारी किशोर चव्हाण,आरोग्य निरीक्षक विपुल साळुंके, मुख्याध्यापक आर.एल.आगळे यांनी पाहणी केली.

यावेळी पाहणी करताना एक धक्कादायक चित्र पाहवयास मिळाले म्युनिसिपल हास्कुलच्या पाठीमागच्या मैदानात तेथील रहिवाशांनी घरातील सर्व कचरा त्या शाळेच्या मैदानात टाकलेला असतो. त्यातच मराठी मुलांची शाळा न १ या मध्ये विद्यार्थी शिकत असलेल्या ठिकाणी लागून असलेल्या स्वच्छलय पाईप व मोठ्या प्रमाणात अतिक्रमण व गटारी तुडूंब भरल्या असून या मुळे विद्यार्थ्यांना शिक्षण घेत असताना त्यांच्या आरोग्याचा जीवाशी खेळ सुरू आहे व मराठी मुलांची शाळेत स्लॅब ला गळती लागली आहे व पाऊस सुरू असल्यास संपुर्ण स्लॅब ला गळती सुरू असते त्यामुळे शिक्षक ही शिकवायचे कसे हा प्रश्न उपस्थित होत आहे तसेच या मुळे जीव मुठीत धरून शिक्षक व विद्यार्थ्यांना शिक्षण घेत आहे.

आज झालेल्या पाहणी दरम्यान शिक्षकांनी सर्व पाहणी करून आरोग्यासाठी काहीतरी पाऊले उचलून स्लॅब दुरुस्ती साठी गेल्या तीन वर्षांपासून जि. प शिक्षण विभागाकडे पत्र व्यवहार केला आहे मात्र जिल्हा परिषद शिक्षण विभाग झोपेचे सोंग घेत आहे की, काही अनुचित घटना घडावी याची वाट पाहत आहे ? आतापर्यं जिल्हा परिषदे कडून अजून कोणतेही प्रतिसाद न मिळाल्याने पालकांनी चिंता व्यक्त केली आहे.

शालेय पोषन आहार शिजतो घाणीच्या साम्राज्यात

सरकारने पहिले ते आठवी पर्यंत मोफत शालेय पोषण आहार सुरु केला आहे यासाठी कि, शिळेतील विद्यार्थी पटसंख्या टिकावी व विद्यार्थी शारिरीक तंदुरुस्त रहावे म्हणून शालेय पोषण आहार सुरु केला आहे आज शाळेची पाहणी केली असता चक्क विद्यार्थ्यांचा शालेय पोषण आहार हा घाणीच्या साम्राज्यात शिजत असल्याचे धक्कादायक चित्र समोर आले आहे या मुळे विद्यार्थ्यांचे आरोग्य धोक्यात असल्याचे दिसले. ज्या ठिकाणी पोषण आहार शिजवला जातो त्या जागेच्या 10 फूट अंतरावर नागरिकांनी घरातील शैचालयाचे पाईप गटारींमध्ये सोडले आहे या मुळे विद्यार्थ्यांना दिवसभर वास सहन करावा लागत आहे आणि शालेय पोषण आहार शिजत आहे एकंदरीत विद्यार्थ्यांच्या आरोग्याशी खेळ सुरू आहे? याला कोण जबाबदार राहणार ?

गटारी नसल्याने नागरिकांनी टाकला पाईप

ज्या नागरिकांनी शाळेच्या मैदान सांडपाण्याचे पाईप सोडले त्यांनी आज नगरपालिकेचे गऱ्हाणे मांडले तेथील नागरिकांनी सांगितले की पालिकेला वेळोवेळी गटार बांधून द्यावी अशी मागणी केली आहे मात्र पालिका त्याकडे दुर्लक्ष करीत असून आम्हाला पर्याय नाही पण विद्यार्थ्यांचे आरोग्य लक्षता घेता आम्ही पाईप कडण्यास तयार आहे पण आम्हाला पालिकेने गटारीचे व्यवस्था करून द्यावी अशी मागणी तेथील रहिवाशांनी केली आहे.

पालिका शाळेच्या मैदानावर ज्यांनी अतिक्रमण केले आहे त्यांना तात्काळ नोटिसा देण्यात येतील तसे जे नागरिक घरातील कचरा शाळेच्या मैदानावर टाकत आहे किंवा ज्यांनी सांडपाण्याचे पाईप सोडले आहे अशा सर्वांना नोटिसा तात्काळ नोटिसा देण्यात येणार आहे. ज्या ठिकाणी बंद गटार आहे ती मोकळी करण्याचे आदेश दिले आहे जेणेकरून नागरिकांना त्या गटारीचा वापर करता येईल.

-किशोर चव्हाण
मुख्याधिकारी फैजपूर पालिका