बर्डव्हॅली तलावात तरुणाचा मृतदेह सापडला

खून असण्याची शक्यता
चिंचवड : महापालिकेच्या चिंचवड येथील बर्डव्हॅली उद्यानातील तलावात सायंकाळी एका 25 वर्षीय तरुणाचा मृतेदह सापडला. अग्निशामक दलाच्या जवानांनी तो बाहेर काढला. दरम्यान, या तरुणाचा खून करुन मृतदेह तलावात फेकला असण्याची शक्यता वर्तविण्यात येत आहेत. जवान अशोक कानडे, अमोल खंदारे, प्रतीक कांबळे, भूषण येवले, विनेश वाटकरे, अक्षय पाटील यांनी मृतदेह पाण्यातून बाहेर काढला आहे. भोसरी, एमआयडीसी पोलीस घटनास्थळी दाखल झाले आहेत. मृतदेह विच्छेदनासाठी यशवंतराव चव्हाण स्मृती (वायसीएम) रुग्णालयात ठेवला आहे.