बांगलदेशाच्या मुशफिकरने रचला विक्रम

दुबई:आशिया चषकस्पर्धा 2018 श्रीलंकेविरुद्धच्या सलामीच्याच लढती बांगलदेशाचा कर रहिमने झुंजार शतकी खेळी साकारली. त्याच्या या शतकाच्या जोरावर धावा करता आल्या आणि श्रीलंकेवर विजय मिळवता आला. या सामन्यात शतक झळकावत मुशफिकरने काही विक्रम आपल्या नावावर केले आहेत. बांगलादेशकडून सर्वाधिक सरासरी असलेला मुशफिकर हा पहिला फलंदाज ठरला आहे. या शतकानंतर मुशफिकरची सरासरी 55.17 एवढी आहे. मुशफिकरने यावेळी तमीम इक्बालला मागे टाकले आहे. कारण तमीमची सरासरी 54.82 एवढी आहे.

बांगलादेशकडून सर्वाधिक धावा करणाऱ्या फलंदाजांच्या यादीत आता मुशफिकरने दुसरे स्थान पटकावले आहे. श्रीलंकेविरुद्धच्या सामन्यात मुशफिकरने 144 धावांची जिगरबाज खेळी साकारली होती. ही खेळी बांगलादेशसाठी दुसरी सर्वाधिक धावांची खेळी ठरली आहे. बांगलादेशकडून सर्वाधिक धावा करण्याचा विक्रम तमीमच्या नावावर आहे. तमीमने 2009 साली झिम्बाब्वेविरुद्धच्या सामन्यात 154 धावांची खेळी साकारली होती.