बाबा सिधदीकींची इडीकडून चौकशी

मुंबई । वांद्रे येथील झोपडपट्टी पुनर्वसन योजनेत घोटाळा केल्याचा आरोप काँग्रेसचे वरीष्ठ नेते बाबा सिद्दीकींवर करण्यात आला होता. शुक्रवारी सकाळी 10 वाजता बाबा सिद्दीकी यांना इडीने चौकशी करता बोलावले होते त्यानुसार बाबा सिद्दीकी यांची चौकशी इडीच्या अधिकार्‍यांनी केली. अंमलबजवाणी संचालनालयने बाबा सिद्दीकी आणि त्यांचा सहकारी बिल्डर मकबूल कुरेशी यांच्या पाच कार्यालयांवर छापे मारले होते. यातून काही महत्त्वाची कागदपत्रे ईडीच्या हाती लागली असून त्याची चौकशी सुरु असल्याची माहिती इडीच्या अधिकार्‍यांनी दिली.

झोपडपट्टी पुनर्वसन योजनेअंतर्गत एखाद्या भूखंडाचा विकास करायचा असेल, तर त्या भूखंडाचा काही भाग झोपडपट्टीधारकांसाठी सोडून द्यावा लागतो. मात्र, हे करताना सिद्दिकी आणि मकबूल कुरेशी यानं संगनमताने बनावट कागदपत्रे बनविल्याचा आणि त्या माध्यमातून सुमारे 100 ते 400 कोटींचा घोटाळा केला असा आरोप करण्यात आलाय. या प्रकल्पांमध्ये बोगस लाभधारक असल्याचा आरोप सिद्दीकींवर होतोय. मकबूल यांच्याकडून बाबा सिद्दिकी यांच्या कंपनीला पैसे गेल्याची कागदपत्रे ईडीला मिळालीयेत अशी माहिती मिळतेय. या या सगळ्या प्रकरणामुळे बाबा चांगलेच अडचणीत आलेत.