बिअरबार-परमीट रूम फोडले : अमळनेरातील चोरीने खळबळ

अमळनेर : अमळनेर शहरातील परमिटरूम व बिअरबार हॉटेल फोडून सुमारे 54 हजार 225 रुपयांची देशी-विदेशी दारूसह रोकड लांबवण्यात आल्याने खळबळ उडाली आहे.

चोरीमुळे उडाली खळबळ
अमळनेर पोलिसांनी दिलेल्या माहितीनुसार, अमळनेर शहरातील हॉटेल भगवती परमीटरूम व बियरबार हे दुकान मंगेश देविदास पाटील (ओमकार नगर) यांच्या मालकीचे आहे. सोमवार, 12 सप्टेंबर रोजी रात्री 10 वाजता मंगेश पाटील यांनी नेहमीप्रमाणे दुकान बंद करून घरी गेल्यानंतर चोरट्यांनी संधी साधली. चोरट्याने परमिटरूम व बिअरबारचे दुकान फोडून दुकानातील देशी-विदेशी दारू रोकड आणि इलेक्ट्रिक सामान असा एकूण 54 हजार 225 रुपये किंमतीचा मुद्देमाल लांबवला.

पोलिसात गुन्हा दाखल
हा प्रकार दुसर्‍या दिवशी मंगळवार, 13 सप्टेंबर रोजी सकाळी 10 वाजता समोर आला. या संदर्भात मंगेश पाटील यांनी अमळनेर पोलीस ठाण्यात धाव घेऊन तक्रार दिल्याने अज्ञात चोरट्यांवर गुन्हा दाखल करण्यात आला. पुढील तपास हवालदार जनार्दन पाटील करीत आहे.