बिटकॉइनमधून नफा मिळविणार्‍यांना आयकरच्या नोटीसा
नवी दिल्ली । बिटकॉइनमध्ये गुंतवणूक करून त्यातून नफा कमावलेल्या लाखो भारतीयांना आयकर विभागाकडून कर भरावा यासाठी नोटीसा बजावल्या गेल्या आहेत. सेन्ट्रल बोर्ड ऑफ डायरेक्ट टॅक्सचे परमुख सुशील चंद्रे यांनी याबाबत माहिती दिली आहे. परमुख चंद्रे यांनी दिलेल्या माहितीनुसार, भारत सरकारने बिटकॉइन मधील गुंतवणूक बेकायदा असल्याचे पूर्वीच जाहीर केले आहे. तरीही लाखो लोकांनी यात गुंतवणूक केली आहे व त्यातून चांगली कमाई केली आहे. या कमाईवर कर भरलेला नाही. गतवर्षी डिसेंबरमध्ये भारतात बिटकॉइन एक्सचेंजचे सर्वेक्षण करण्यात केले असून कर भरण्याच्या नोटीसा जारी केल्या गेल्या आहेत. यामुळे यंदा वर्षासाठी ठरविलेले 9.8 लाख कोटी कर संकलनाचे उदिष्ट सहज पार करता येणार आहे.