बीफ पार्टीला नकार दिल्यामुळे भाजपच्या नेत्याने दिला राजीनामा

नवी दिल्ली। प्रस्तावित बीफ पार्टीला विरोध केल्याने मेघालयमधील भाजपच्या एका स्थानिक नेत्याने राजीनामा दिला. मोदी सरकारला तीन वर्ष पूर्ण झाल्याच्या निमित्ताने बीफ पार्टीचे आयोजन करण्यात आले होेते. मात्र, पक्षातील वरिष्ठांनी हा प्रस्ताव फेटाळला. त्यानंतर या नेत्याने राजीनामा दिला. फुटीरतावादी ते राजकिय नेता असा प्रवा या नेत्याचे नाव बर्नार्ड मरक असे आहे. ईशान्येकडील आदिवासी लोक त्यांच्या खास शैलीत कोणत्याही उत्सवाचे आयोजन करतात. गारो हिल्स उत्सवात गायीचा बळी दिला जातो. त्यामुळे मोदी सरकारला तीन वर्ष पूर्ण झाल्याच्या निमित्तानेही बीफ पार्टीचे आयोजन केले होतं. मात्र पक्षाने त्याला नकार दिला, अशी माहिती बर्नार्ड मरक यांनी दिली. गारो समाजाची संस्कृती आणि परपराच दिसत नसेल, तर त्या राजकीय पार्टीला काहीच अर्थ नाही. आम्ही काय खायचे याचा निर्णय भाजप घेऊ शकत नाही, असे बर्नार्ड मरक यांनी म्हटले आहे. दरम्यान यापूर्वीही बर्नार्ड मरक यांनी मेघालयातील अनेक भाजप नेते गोमांस खात असल्याचा आरोप केला होता. मेघालयसारख्या भागात गोमांस खाण्यावर बंदी आणण्याचा प्रश्नच येत नाही. कारण येथील भाजप नेत्यांना मेघालयची ऐतिहासिक पार्श्वभूमी आणि घटनात्मक तरतुदींची चांगली माहिती आहे, असे बर्नार्ड मरक म्हणाले होते.

मेघालयमध्ये भाजपची 2018 मध्ये सत्ता आल्यास गोमांस खाण्यावर बंदी घालण्यात येणार नाही. शिवाय कत्तलखान्यांना कायदेशीरपणे मान्यता देण्यात येईल, असे बर्नार्ड यांनी सांगितले.