बीसीसीआयने क्रिकेटपटूना केले कोट्याधीश,लखपती!

मुंबई। धर्मशाला येथील चौथ्या कसोटीपुर्वी भारतीय क्रिकेट संघातील खेळाडूना बीसीसीआयने कोट्याधीश व लखपती केले आहे.वार्षिक कॉण्ट्रॅक्टस जाहिर केले आहे.यात अनेक खेळाडूना ए ग्रेडमध्ये स्थान देण्यात आले आहे तर काहीचे डिमोशन करण्यात आले आहे.याचबरोबर त्याच्या मानधात वाढ केली आहे. बीसीसीआयने पुरूष खेळाडूसाठीची वार्षिक कॉण्ट्रॅक्टस जाहिर केले असून ए,बी व सी या तिन्ही ग्रेडससाठी देण्यात येणार्‍या मानधनात दुपटीने वाढ करण्यात आली आहे.

ए ग्रेडमध्ये पुजारा, जाडेजा व विजय
ए’ ग्रेडमधल्या खेळाडूंमध्ये विराट कोहली, महेंद्रसिंग धोनी, रवीचंद्रन अश्विन, अजिंक्य रहाणे यांनी आपले स्थान कायम ठेवण्यात यशस्वी झाले आहे. तर चेतेश्वर पुजारा, रवींद्र जाडेजा आणि मुरली विजय यांचा नव्याने या गटात समावेश करण्यात आला आहे. विशेष म्हणजे जाडेजाने सी गटातून थेट ए गटात उडी मारली आहे. तर विजय आणि पुजारा बी गटात होते.या गटासाठी आता एक केटीऐवजी दोन कोटी रूपयांचे मानधन देण्यात येईल. ‘बी’ ग्रेडमधल्या खेळाडूंसाठी 50 लाखांऐवजी एक कोटी रुपयांचे मानधन निश्चित करण्यात आले आहे. त्यात रोहित शर्मा, लोकेश राहुल, भुवनेश्वर कुमार, मोहम्मद शमी, ईशांत शर्मा, उमेश यादव, रिद्धिमान साहा, जसप्रीत बुमरा आणि युवराज सिंगचा समावेश आहे.राहुल, बुमरा, युवराज आणि साहा यांचे सी गटातून बी गटात प्रमोशन झाले आहे. सुरेश रैना, अंबाती रायुडू, धवन यांना बी मधून सी गटात टाकण्यात आहे. सी ग्रेडमधल्या खेळाडूंच्या यादीत सोळा जणांचा समावेश असून, त्यांना 50 लाख रुपयाचे वार्षिक मानधन देण्यात येईल. भारतीय खेळाडूंना कसोटी, वन डे आणि ट्वेन्टी ट्वेन्टी सामन्यांसाठी देण्यात येणारे मानधनही आता वाढवण्यात आले आहे. ही रक्कम अनुक्रमे 15 लाख, सहा लाख आणि तीन लाख रुपये अशी राहिल.