बुलेट ट्रेन राज्याच्या ‘फायद्याची नाही’

नगर । बुलेट ट्रेन महाराष्ट्राच्या फायद्याची नाही, हा निर्णय दुर्दैवी असल्याची टीका राष्ट्रवादी काँग्रेसचे अध्यक्ष खा. शरद पवार यांनी येथे केली. फायदा नसतांनाही महाराष्ट्र व गुजरातवर समान आर्थिक बोजा टाकण्याचा अन्याय मुख्यमंत्र्यांनी स्वीकारला कसा, असाही प्रश्न त्यांनी उपस्थित केला हा निधी रेल्वेची गुणवत्ता सुधारण्यासाठी, चंद्रपूर-मुंबई रेल्वेसाठी किंवा पाटबंधार्‍यांसाठी वापरला असता तर अधिक फायद्याचे ठरले असते अशी टिप्पणीही त्यांनी केली. शरद पवार रविवारी नगरमध्ये आले होते.