बॅटरी चोरटा शहर पोलीसांच्या अटकेत

जळगाव-  शहरातील घाणेकर चौकातील जुन्या सरस्वती डेअरीसमोर उभ्या असलेल्या चारचाकी गाडीतील बॅटरी चोरणार्‍या संशयित आरोपीला शहर पोलीसांनी सोमवारी एकाला अटक केली. दरम्यान, चोरट्याने बॅटरी चोरी केल्याची कबुली दिली. तसेच यापूर्वी त्याला एमआयडीसी पोलीसांनी बॅटरी चोरीत अटक केली होती.

जुन्या सरस्वती डेअरीसमोर उभ्या असलेल्या मालवाहतुक महेंद्र कंपनीच्या चारचाकीतील बॅटरी काढून चोरीला गेल्याची घटना 23 ऑक्टोंबर रोजी मध्यरात्रीच्या सुमारास घडली होती. यासंदर्भात शहर पोस्टेला राहुल गोविंदा सारस्वत यांच्या फिर्यादीवरुन कलम 379 प्रमाणे अज्ञात चोरट्यांविरुध्द गुन्हा दाखल करण्यात आला होता. यातच याप्रकरणीचा तपास सुनिल पाटील हे करीत होते. दरम्यान, एमआयडीसी पोलिसांच्या ताब्यात असलेला बॅटरी चोर संशयित आरोपी मोहन उर्फ सागर वसंत वाघ (वय 32) रा. गेंदालालमिल याला आज शहर पोलिसांनी पुढील चौकशीसाठी ताब्यात घेत चौकशी केली असता त्याने सारस्वर यांच्या गाडीतील बॅटरी चोरी केल्याची कबुली दिली.