बेकायदा स्टॉल, टपर्‍यांवर कारवाई
पिंपरी : महापालिकेच्या अतिक्रमण नियंत्रण व निर्मुलन विभागाने शहरातील विविध भागातील अनधिकृत विक्रेत्यांवर धडक कारवाई केली. या कारवाईत अनधिकृत हातगाड्या, स्टॉल, टपर्‍या आणि साहित्य जप्त करण्यात आले. अ क्षेत्रीय कार्यालय हद्दीतील निगडी, यमुनानगरातील थरमॅक्स चौक ते टिळक चौक रस्त्यालगतच्या पदपथावरील हातगाडी आणि टपर्‍यांवर कारवाई करण्यात आली. या कारवाईमध्ये तीन हातगाडी, दोन लोखंडी टपर्‍या जप्त करण्यात आल्या. क क्षेत्रीय कार्यालयाच्या हद्दीत चिखली-कुदळवाडीतील कारवाईत चारचाकी आणि चारचाकी आणि तीन चाकी वाहनांचे 65 टायर, चार टायर डिस्क, तीन हातगाडी, एक लोखंडी टपरी, चार लोखंडी बाकडे, तीन खुर्च्या, दोन प्लास्टिक टेबल, आठ प्लास्टिक कॅरेट जप्त करण्यात आले.
हातगाड्या, टपर्‍या, बाकडी जप्त
ह व ड क्षेत्रीय कार्यालय हद्दीतील पिंपळेगुरव आणि संभाजी परिसरातील काटेपुरम चौक ते लक्ष्मी चौक, साई चौक ते फेमस चौक येथे कारवाई करण्यात आली. या कारवाईमध्ये नऊ हातगाड्या, एक जाहिरातीचे फलक, दोन पानटपरी, सहा फरशी वायफर, एक लोखंडी वजनकाटा, 11 लोखंडी टेबल, जाळी, स्टुल आणि इतर लोखंडी साहित्य, जाहिरात, एक लोखंडी टपरी, चार लोखंडी बाकडे, तीन खुर्च्या, दोन प्लास्टिक टेबल, आठ प्लास्टिक केरेट जप्त करण्यात आले आहेत.