बोपदेव घाटात अपघात १० प्रवाशी जखमी

पुणे-सासवडहून पुण्याकडे येणाऱ्या एका लक्झरी बसचा बोपदेव घाटाजवळ अपघात झाल्याने १० प्रवासी जखमी झाले आहेत. बोपदेव घाटाजवळ लक्झरी बसचा ब्रेक फेल झाल्याने अपघात झाल्याचे सांगण्यात येत आहे. ब्रेक फेल झाल्याने गाडीवर नियंत्रण मिळवताना बस उलटून हा अपघात झाला यामध्ये १० प्रवासी जखमी झाल्याची घटना घडली आहे. सासवडहून पुण्याकडे येत असताना आज सकाळी आठ वाजण्याच्या सुमारास लक्झरी बसचा ब्रेक फेल झाल्याची घटना घडली. जखमींवर जवळील रुग्णालयात उपचार सुरु आहे. या घटनेमुळे काही काळ मोठ्या प्रमाणावर वाहतूक कोंडी झाली होती. पोलिसांच्या मदतीने वाहतूक सुरळीत झाली.