ब्ल्यू व्हेल गेमप्रकरणी फेसबुक, गुगल, याहूला नोटीस

नवी दिल्ली : ब्ल्यू व्हेल गेम प्रकरणी मंगळवारी फेसबुक, गुगल, याहू या कंपन्यांच्या भारतातील शाखांना दिल्ली उच्च न्यायालयाने कारणे दाखवा नोटीस बजावली आहे. त्याचवेळी हायकोर्टाने केंद्र सरकार आणि दिल्ली पोलिसांनाही नोटीस बजावली असून याबाबत कोणती पावले उचलण्यात आली आहेत, अशी विचारणा केली आहे.

लिंक्स तत्काळ हटवाव्यात
अ‍ॅड. गुरमीत सिंग यांनी दिल्ली उच्च न्यायालयात ब्ल्यू व्हेल गेमवर बंदी घालण्याच्या मागणीसाठी याचिका दाखल केली आहे. या याचिकेवर मंगळवारी सुनावणी झाली. या सुनावणीत संबंधितांना नोटिसा बजावण्याचे आदेश न्यायालयाने दिले नाटिस बजावल्या. ब्ल्यू व्हेल गेमने दोन आठवड्यात सहा मुलांचा बळी घेतला आहे. त्यामुळे या प्रकरणी कठोर पावले उचलून गेमच्या लिंक्स संबंधित साइट्सवरून तत्काळ हटवण्यात याव्यात अशी मागणी याचिकाकर्ते अ‍ॅड. गुरमीत सिंग केली आहे.

केंद्राने म्हणणे मांडावे
उच्च न्यायालयाने केंद्र सरकारसह दिल्ली पोलिसांनाही म्हणणे मांडण्याचे आदेश दिले आहेत. याचिकेवरील पुढील सुनावणी 19 सप्टेंबर रोजी होणार असून ब्ल्यू व्हेल गेम हटवण्याबाबत काय केलेत याबाबतचे स्पष्टीकरण गुगल, याहू आणि फेसबुकला द्यावे लागणार आहे.