भरधाव चारचाकीने उडवल्याने हरताळेचा दुचाकीस्वार जागीच ठार

हरताळे फाट्याजवळ अपघात ; दुचाकीवरील अन्य दोघे जखमी

मुक्ताईनगर- भरधाव चारचाकीने धडक दिल्याने दुचाकीस्वार ठार झाल्याची घटना बुधवारी दुपारी साडेतीन वाजेच्या सुमारास हरताळे गावाजवळील गीतांजली हॉटेलजवळ घडली. अपघातानंतर कार चालक पसार झाला तर या अपघातात हरताळे येथील अश्विन समाधान कापसे (हरताळा) हा तरुण ठार झाला. या अपघातात दुचाकीवरील वैभव विनोद सोनवणे (17) व मनोज समाधान तायडे (19, हरताळा) हे तरुण गंभीर जखमी झाले. कापसे यांच्यासह दोघे मित्र दुचाकी (एम.एच.19 के.6431) ने जात असताना भरधाव कार (एम.एच.43 पी.व्ही.4550) ने जोरदार धडक दिल्याने कापसे यांचा मृत्यू झाला तर अन्य दोघे मित्र जखमी झाले. अपघातानंतर चारचाकी चालक वाहन सोडून पसार झाला तर पोलिसांनी वाहन जप्त केले. या प्रकरणी रात्री उशिरा मुक्ताईनगर पोलिसात पुंडलिक कापसे यांनी दिलेल्या फिर्यादीनुसार अज्ञात कार चालकाविरुद्ध गुन्हा दाखल करण्यात आला. तपास निरीक्षक अशोक कडलग यांच्या मार्गदर्शनाखाली एएसआय अनिल अडकमोल करीत आहेत.